هذا موضوع شوي قديم صارله جم سنه قلت خل اعيد الذكريات لما في الليلة الظلماء يفتقد البدر

اهو ضاع البدر لما نزل علينا الضباب في احد الايام الخوالي على الكويت فأول شي خل نعرف شنو يعني الضباب وبعدين نروح ندور على البدر

تعريف الضباب : هو باختصار غيم نازل على الأرض بشكل كبير يدش من هالدريشه ويطلع من هالدريشه ... هذا باختصار اهو الضباب

وتمشي بسيارتك ... تريرييييييم

وماتشوف جدامك الا ليتات السيارات عاد في هالحالات تكثر الحوادث الله يكافينا الشر وياكم فديروا بالكم ولاتصيرون يعني مسكتين بالقياده وانا اللي ماكو مني اثنين واحذف مني واروح مناك واخرتها نشوفك تحوس بكراجات الشويخ تعابل بسيارتك

فماله داعي التفلسف الزايد اوكي يبا ؟؟

وتكمل طريجك وماتشوف الا سحب سحب تمشي وتمر يمك وتسلم عليك

واااااو الوضع كلش مو صج

المهم نكمل طريجنا ونشوف شنو الصج بالموضوع ونروح ندور على بدر

ونوصل المارينا مول اتهقون راح نلاقي البدر هناك ؟؟

هم المارينا يادوب تبين

شنو هالشخوط هذي شصاير بالكاميرا ... الظاهر خمبقت على كبر

ليتات الشوارع ماتبين الشارع الثاني مايبين

يالله عادي ... سهاله ... كل هذا عشانك يابدر

صار مخامط بالاشاره والا بعد ؟؟

انا طقني اليوع الصراحه ودي على روبي تيوزدي

يحليله كاهو يالله يبين الباب ماله

وبعد ماخلصت عشاي الحمدالله قلت اكمل مشواري في البحث عن صاحبنا المفتقد

اللقافه مرات مو شي

وينهم انحاشوا ؟؟

يازينك ياشيليز :p العاده زحمه عندك هالمره ولاحتى قطاوه تحوس حوالينك

وصارت الزحمه في الشوارع المؤديه الى المنازل ... خو بينحاشون الاوادم ... ونوصل سوق شرق

هم مايبين سوق شرق

وندش على سوق شرق يمكن نشوف شي مني مناك ومالقيناه مالقيناه روحوا قولوله ترانا مالقيناه

من عرفناه ماغفت عينا على غيره لا بالله

ونروح للسالميه سيتي

ماكو شي بشارع سالم المبارك

العالم واحد يدرعم على الثاني ... بيـــه شصاير بالناس يبا شفيكم مستعيلين لاحقين لاحقين على بيوتكم

صار مشاخط اهو

توني ماكل من روبي تيوزدي مالي خلق شاورما مكسيكيه ... بعرف شغله شالفرق يعني بين الشاورما المكسيكيه واللندنيه والشاميه واللي واللي واللي .. خو كله لحم مقصص وشوية بهارات وسوالف وخلصت السالفه .. تعالوا عندي يبا انا اسويلكم خوش شاورما مو كل يوم والثاني طالعيلنا بمطعم بشاورما من دوله غير

فراغه ....

نحترم اشارات المرور ونوقف مع الناس

وهذا بيتزا البحر ... شكله صاحبنا بطيني مايفتر الا عند المطاعم

شكله زاد الضباب وللحين مالقينا بدر

يالله يابدر وينك اظهر وبان عليك الأمان

منظر رومانسي الصراحه هالشبّه

ماصارت اشارات الديره كلها اشارات شدعوه يبا ويقولون ليش شوارعنا زحمه من هالأشارات خو سوووهم دوارات وفكونا ^_^

يبا مالت عليك يابدر مليت وانا ادورك ضيع باللي مايحفظ عدوك ان شاءالله تعبتني وانا احوس وراك

خل اروح البيت احسن لي

وانا في طريق عودتي الى المنزل ولازال الضباب يشتد شيئا فشيئا

وقطرات الندى تتساقط على سيارات العالم

ولكن هل ندع بدرا لوحده ؟؟

لماذا لم يظهر بدر ؟؟

أين ذهب ... هذا هو السؤال عندما يشتد الضباب ... يفتقد البدر

ولكن بدرا لم يغب

فقد كان غائبا بعض الشيئ لكي يرى معزته وغلاته عندنا

وبعد فترة ليست بالطويله ولا القصيره فقد وجدنا بدرا

وجدناه وقد عاد بخفي حنين ليحتضنه الشوق القادم من الشرق

هاهو بدر ملموما من صديق عمره بعد ان اشتاق اليه واقسم على ان لايفارقه برهه

وخلصت وملصت ويت الديايه وعنفصت