السلام عليكم ورحمة الله وبركاته

مو قلنالكم من قبل انه الكويت مدينة الضباب ماصدقتونا ؟؟

اليوم بتشوفون بأذن الله تعالى آخر ضباب حاش الكويت من يوم 14/ديسمبر2005 واستمر لغاية اليوم الثاني ... والحين بتشوفون ان شاءالله الضباب على مدينة الكويت في يوم 15/12/2005 ... بناخذكم بجوله فيها وان شاءالله بتشوفون كل خير ... ملاحظه : اهم مافي الموضوع الصوره الأخيره ... يالله نتوكل على الله

هني مسكنا خط الميناء باتجاه البحر ... والمفروض في الصوره اللي طافت يبين برج التحرير واضح ولكن سبحان الله اختفى ومابين منه شي بتاتا البتـّه

عاد واحنا ماشين في الطريج والا هالشاب اللطيف اللي بتشوفونه الحين عفس الأمه اللي وراه

يمشي ويحذف على السيارات اللي وراه مادري شايل شي مني مناك الله اعلم

المهم وصلنا خط البحر ويالله نشوف شكو ماكو في رحلتنا الضبابيه ^_^ ربطوا الأحزمه ولبسوا الاقنعه وتلحفوا عدل

أول معلم شفناه في رحلتنا المبنى اليديد لوزارة الطاقه مادري البترول والله مادري المهم انه حقهم

ههههههههه احسين البحر يبيّن والا مايبيّن ؟؟

الحين تعالوا نشوف برج التحرير

مممممممممممممممممممم وينه ؟؟؟ من فوق وينه ؟؟ على فكره ترى هالصوره من مكان قريب جدا للبرج يعني لو امبعد شويه نتفه بس جان ماكو شي

نشوف معالم أخرى بعد

لااله الا الله ...

خلونا نشوف شنو على يسارنا الحين ؟؟

يالله خلونا انسوي زوووووووووووم حق سوق شرق بعد

المهم انكمل طريجنا ونكمل ونكمل على خط البحر ... ويزداد الضباب ترم تررررررررم

ممممممممممممممممممممم ماعرفتوا شنو هالشي ؟؟

يالله تعالوا خلونا انقرب منه شوي

هم بعد ماكو شي ... يالله بعد شوي اهو

ها اشصار ؟؟؟

يالله عاد قربنا حيل ومابيّن شي

تدرون شلون ؟؟ يبا تعالوا خل انقرب حيـــــــل ونشوف شنو اهوه ^_^

هىهىهىهىهى الأبراج

وهذي لقطه أخرى بعد

ونطالع شوي يسار ...

هذا سلمكم الله مطعم روبي ... تيوزدي

حلاته الحين يبطلون الابواب ويخلون الضباب يدش مني ويطلع مني ويدش مني ويطلع مني

ها يعتوا ؟؟ فيكم شدة أكل ؟؟

انا مافيني للحين ماطقني اليوع بعد ... تو الناس ^_^

يالله خلونا نشوف بعد شنو أكو حوالين الأبراج ^_^

الجاينيز = جمع الصينيين يعني صيني واحد صاروا وايد

يالله خلاص عاد خل انحرك من صوب الابراج ونمسك خط البحر نروح مناك صوب مارينا مول وربعهم

واحنا في الطريق وماكو الا انا بروحي واقف عند الاشاره والا اشوف هاللطيف هذا اللي بتشوفونه الحين ...

عاااااااان ديد ديد عووووووووووع طششششش

ياعلّك شقول ربّط اغراضك عدل وثول بالله الحين سياره يايه وراك وفجأه طاح عليه هالجيس مالك شلون يعني ؟؟ @@

لا ولاجنه في شي طاح أحقر بعد أكثر هههههههههه

تو الناس يايباااااااااا

شيل شيل اغراضك والا حلاتها الحين دوريه تطيح عليكم اويلااااااااه

مو مشكله اللي بعدووووو

وكملنا طريجنا لين وصلنا حق شيسمونه

ولايزال الضباب في ازدياد

وانخلي المارينا مول على يمينا ونكمل طريجنا

وهالمسكين قاعد يؤدي شغله على أكمل وجه ... الله يعطيك العافيه والله ... بس يامعود دير بالك لاتنزل على الشارع

ترى المينن وايد اشكثرهم في هالاوقات يطلعون بروحه الشارع مايبين ...

ونكمل

ونكمل بعد

قزروها طيور الجن في شارع المطاعم لووووووول

الحين عاد تعالوا نشوف الصوره التاليه ...

ها عرفتوا هذا شنو هالمكان ؟؟ أكيد لأ انزين دققوا شويه نتفه بس ^_^

شكلكم يقول ماعرفتوا ... تعالوا خل انقرب منه شوي

هم حلاتها يبطلون الدرايش والضباب يدش مني ويطلع مني يدش مني ويطلع مني

لووووول نسيت اسمه هالمطعم كله انساه .. بس ان شاءالله عاد تعرفونه ^_^

يالله خلاص خل نطلع ونكمل طريجنا بعد

عاد بس الحين صكني اليوع باكل

يالله برب

طوط

باك ^_^

اللهم زد خير هذه البلاد يارب العالمين واحفظ اهلها من كل مكروه

عاد عقب هالفراره واللويه .. وان شاءالله ماتكونون تعبتوا وياي يبيله عاد من صج الحين الواحد يريّح شوي ويصفط السياره

وينزل كرسيه اللي في دبـّة السياره

ياعيني عالحركاااااات .. مو ناقص الا مطارة جاي مع حليب وبسكوت وتقعد اتغمّس

ويجابل البحر ويقعد يتذكر الأيام الخوالي والعمامي

ليــــــــــــــن ماتزهق شوي وتشيل كرسيّك عقبها وتتوكل على الله

هذي اهيه الصوره الأخيره  شرايكم في الكرسي مالي ؟؟

واشوفكم على خير ان شاءالله

وسامحونا على القصور ^_^

تصوير وتعليق دندرن HaMaD