السلام عليكم ورحمة الله وبركاته

اشلونكم زينين ان شاءالله ؟؟

المهم مانطولها عليكم ... أمس بالليل وانا راد البيت تقريبا على الساعه وحده جذي تقريبا ركبت سيارتي والا اشوف الجو امضبب والشارع مايبين من الضباب

والا اثاري ماكو شي يبين كلش انا قلت ضباب عادي خو تعرفون ماشاءالله احنا بالكويت متعودين على هالأجواء الحلوه

قلت خل اطالع بالجامه الخلفيه بعد خل انجيّك عدل قبل ماأحرّك

والا هم مايبين شي هههههه والوقت متأخر يعني شلون اقعد بسيارتي لين يطيح الضباب ؟؟

مايصير بعد لازم ارد البيت وراي دوام

المهم حركت بسيارتي متجها الى المنزل

وهني توني في الفريج اللي كنت فيه بمسك الشارع الرئيسي وبعدين بمسك الدائري الخامس وانا اللي راد بيتنا

ومسكت الشارع الرئيسي للمنطقه اللي كنت فيها .... مممممممممممممممممممم والا جنه السالفه صج والله اثاري الجو معتفس بس يالله نتوكل على رب العالمين وماكو الا الخير ان شاءالله ^_^

ههههههههههههه ومسكت أحد الطرق الفرعيه والا صج الجو عتمه ... ترى حلوه هذي عتمه اخذوها تفيدكم بالمستقبل

والا القار مو مبين ... الرصيف مو مبين   التراب اللي على قارعة الطريق هم مو مبين

اويلاااااااااااااه جنه اكو سياره بينت الحق ... هائااااااااااو خلك وراها ياصبي ... على فكره ترى هذا بداية الدائري الخامس هىهىهى مو مبين منه شي صح ؟؟ يالله تعالوا خلونا ندش بالمعمعه ماشاءالله من شدة الضباب طريجي المفروض عشر دقايق صار ساعه الا ربع طبعا قاعد امشي 10 لأنه الشارع ماكان مبين منه شي كلش ماتشوف لاخطوط أرضيه لاصبـّه لا رصيف لا قار ... انت وحظك أمش لين تسمع شي جذي طقيته بسيارتك لحظتها بتعرف يالفيّت عن مسارك الصحيح أو حشت الرصيف شوي فعادي خلوكم إيزي ماكو مشكله ان شاءالله ^_^

هني عاد مسكت الدائري الخامس وماتبين الا الليتات وكلهم طاقين بريكات والا طاقين الفليشر مال السياره التنبيه جك بم جك بم جك بم

مو مبين الا بس خطوط ليت السياره والسبب نزول الضباب لمستوى افقي وعامودي وبشكل يندى له الجبين .. شكو الجبين بالسالفه ماأدري مو مشكله خل انكمل

وياعيني على الخطوط الالماسيه لليتات السياره  حارقهم بالعالي

وكملنا طريجنا وانا أقول الله يستر ان شاءالله لأنه الوضع جدا كان مو شي الصراحه

وكملت وكملت ليييييييييييين وصلت أحد الطرق الفرعيه ايضا عشان اروح بيتنا

ههههههههههه ومشينا في طريق مقمر ... تبدوا الفرحة فيه قبلنا ... اي مقمرٍ أي فرحه أي بطيخ يايبا لاشارع مبين لارصيف يقول كاني هني

اخيـــــــه الحين الرصيف صار اشزينه قبل كل واحد يوخر عن الرصيف الحين صار اشحلاته صار غالي بس يالله مو مشكله سهالات ان شاءالله قربنا نوصل البيت

ياعيني على هيك لقطات شو بتوخد العأل ... العأل = العقل بس باللبناني اي اسم الله علي قمت اتحجى لبناني بعد ماكو شغل

بالضبط ياربي ماشاءالله جنه الطريق الى الهاويه يعني تخيلوا الحين في نهاية هالشارع اللي ماتشوفون منه شي .. هنالك شئ مجهول تريييييييييييييييييم صار فلم رعب حشا مو شارع

يعني مجرد تخيل ... نهايته حفره هههههههههه بلبله اتصير أدري

ههههههههههههه لاأشوه أشوه بين شوي الشارع الحمدالله الحمدالله بس والله هم مو مبين حيل اهو خنشوف عدل بس  

ودشينا منطقتنا ولله الحمد ... ماشاء الله شباب المنطقه يحوسون داخل مافيهم نوم كلش   ها مو يايكم النوم ؟؟

ودشيت فريجنا وهم الفريج مايبين فيه شي لااندرعم بسيارات خلق الله بس

ووصلت بيتنا ولله الحمد بألف سلامه بعد رحلة شاقه

ولازال الضباب عادما الرؤيه

ولازالت الشبّه العويه اللي من طقة المطر الأخيره اللي في يوم 16/11 عويه على حطتها ماعدلوها 

وعسى ربي يحفظج ياكويت

تصوير وتعليق دندرن HaMaD