وتستمر احتفالات الكويت باعيادها الوطنيه ونروح هالمره لكرنفال سوق شرق واللي كانت انطلاقته في يوم 6/2/2009 واستمر لمدة يومين متتاليين ويالله نتوكل على الله ونشوف الاحتفال

من هنا نبدأ ... ترم ترم ونشوف بعض فعاليات الكرنفال والمشاركات اللي صارت فيه

وشكلهم ربعنا ماعندهم الا هالبوابات النايلونيه هني وفي كرنفال الافتتاح ... خو غيروا شوي بليز يعني

باص لندن يابوه هني ؟؟ ماشاءالله

ماعليكم مو مبنجر الموتر لأ اهو جذي ... الصراحه يعطيهم العافيه ربع هالمواتر ماشاءالله يشتغلون عدل ... ودي اعرف شلون يمشون بهالسيارات في الشارع ماتحك بالقار والا شالسالفه يعني ؟؟

اللي عنده خبر بالموضوع يقول لنا منها نفيد ونستفيد

صور يبا صور خذ راحتك ... عاد مو شي اللون أخضر لو أصفر جان زين على زين

عناد على بعض الناس هالشعار

عشان وين مايلف ويهه يلاقي شعار الكاديلاك جدامه

زين يالطيبه شدعوه نبي نجرب السياره قومي

بيــــــــه حتى الدراريع قاموا يبيعونها بالكرنفال ؟؟ حشا صار سوق اليمعه مو كرنفال ... بس يالله شي حلو تغيير شوي عن الكرنفالات اللي صارت من قبل

ياداره دوري فينا ظلي دوري فينا

الضفدع كامل للحين حي مامات ؟؟

هذيل النظارات اعتقد حق كسوف الشمس عشان لما الواحد بيطالع الشمس يقدر يطالعها من غير ماتضر عيونه وان شاءالله كلكم سالمين يارب

ونبلش مسيرة الكرنفال من داخل مواقف سوق شرق

وبدأت المسيره

عاشوا الطناطل

 

وعلامك مخترع جذي لايكون الحيّه اللي لافها على رقبتك سوتلك شي

ايخسي على هالخشم

يخرب بيت عدوج على هالكسره لو انا جان صاير نصين

يحليلها ام سلوم ... رافعه دراعتها خايفه تتوصخ اسم الله عليها

عدل يا الثبات ... مستانس بعد

انزين وين اذون الحصان ؟؟؟ خابر من علامات الجمال في الحصان اذونه هني ماكو اذون

ونشوف بعض الويووه اللي في المسيره الكرنفاليه

عساك عالقوه ... ياحلو العلم اللي راسمه على ويهك

اسم الله عليه لااله الا الله عسى ربي يحفظه قولوا ماشاءالله

والله انت والعلم اللي على راسي عسى ربي يحفظكم

ياسلااااام شي جميل زين جنه مو لج شوتي البطل ووخريه عن الطريج

وشفيك راجو منصدم تطالع الجلب جذي ؟؟ عادي عادي يبا مايسوي شي اليف اليف دام صاحبته معاه ماكو خوف ان شاءالله

حلايا هالبوز عاد ويطالع مع الويه

ليلي ياعيني ياليلي ياكويت آآآآآآآآآآه

نظرة تأمل

الله يرحمك يابو مبارك ... لازلت في القلب رحمة الله عليك ان شاءالله

الله يهديج شنو قاعده عند محوّل كهربا؟؟

حتى السحليه مشاركه في احتفالات الكويت يازينها من سحليه

وعلامج زانطه اللعبه جذي يابنت الحلال

دلاغاتها مشققه صوب الاصابع والا اهي جذي ؟

والآن مع الفرقه اليمنيه ... تعتبر الفرقه اليمنيه من اعرق الفرق المشاركه في مهرجانات واحتفالات الكويت لما لها من فن راقي جميل وجماهيريه كبيره لاتضاهى بأي فرقه اخرى مع جل التقدير والاحترام لبقية الفرق

عاشوا بو يمن ... عاشوا

التشربك صار بالخشب ... بس ترى خوش شربكه اتصير

حشا اقزوزات سياره مو ايقاعات الله يسلمكم

حشرٍ مع الناس عيد .... زحمة أوزره

الظاهر الجواتي من محلات حسين بن عاقول ما اضبطت معاهم عدل

ها ايدك تحكك الظاهر بتييلك فلوس عاد مو تنسانا يالحبيب ما وصيك فيفتي فيفتي

ولمحبين الفن اليمني اخليكم مع هالأغنيه للفنان كرامه مرسال للي حاب يسمع يعني

اضغطني

عاااااااااش ملح المهرجانات والله

ماشاءالله عليه الله يحفظه ويخليه لأهله بكل كرنفال موجود في الافتتاح بدع وهني بدع عسى الله يخليه ان شاءالله

وفي الختام شوية العاب ناريه وسامحونا على القصور

بزززززز طع

واشوفكم ان شاءالله في كرنفالات واحتفالات احلى واحلى بأذن الله

محدثكم من قلب الحدث دندرن