في ليلة ظلماء من ليالي شهر مارس وتحديدا في فجر يوم العاشر منه ,, والناس نيام واذا بي اسمع صوت قرقعه وفرقعه أوقظني من منامي .. ياعيني على اللغه الفصحى خل استريح شوي بس

واذا بي اقوم من نومي واطل من الدريشه والا ماشاءالله تبارك الرحمن ذاك المطر والبردي اللي يرد الروح يروي الظمآن تنتعش له الافئده جمع فؤاد .. مابي اطول عليكم شوفوا

سيارة الجار تحت المظله

طبعا وانت قاعد تشوف هالمطر الحلو تستمع الى انغام جميله عجيبه من اصوات تواير بعض السيارات يقحصون

ماشاءالله عليهم مامداهم شافوا مطر الا طاحوله تقحص ... الله يحفظهم

البردي على مظلة السيارات ... اللي ماعندهم مظله عند بيتهم ترا ممكن تتعرض سياراتهم لتكسر الجام يالله ماوصيكم دقوا على اخوانا الحدادين وخل يسوون لكم مظلات تنفع مو خساره ترا

وجان انزل حديقة بيتنا خنشوف البردي الزين

 

 

ماعليه شوي الحديقه حايشها تصحر والسبه اليهال عيال جيرانا اييون يلعبون كره بالحديقه فحاشها التصحر شوي يالله عليكم بالعافيه

صج مو كبير حيل البردي بس يالله خير ونعمه الحمدالله

واشوفكم ان شاءالله في امطار وبرديات اخرى بأذن الله

للتعليق على الموضوع اضغط هنا

العوده للصفحه الرئيسيه