السلام عليكم ورحمة الله وبركاته

عدنا من جديد في رحله جديده إلى الريفيرا الفرنسيه وهي عدة مناطق اشهرها نيس , كان , موناكو , مارسيليا , تولون ومناطق أخرى زرتها ساتحدث عنها من خلال التقرير

French Riviera Nice Cannes Monaco Antibes St. Raphael Menton

بدايه بتكلم عن بعض الشغلات اللي ممكن تفيد القارئ من حجز الطيران والسكن والمواصلات والاكل فهي شغلات مهمه جدا بالسفر

الطيران : كانت رحلتي على متن الخطوط القطريه .. طبعا هالطيران ماشاءالله مايحتاج شهادتي يتكون من اسطول رهيب ورحلات متعدده لاغلب بلدان العالم ناهيك عن خدمات الشركه نوعا ما كانت الرحله متعبه لان فيها نقطتين توقف حيث كانت الرحله من الكويت الى مطار الدوحه ومن ثم من الدوحه الى ميلانو نتوقف ساعه تقريبا بعدها نطير الى مطار نيس السعر كان 203 دينار كويتي عاد انتوا حسبوها للي يبي biggrin.gif

 

السكن : حجزت 5 ليالي في فندق راديسون بلو Radisson Blu Hôtel Nice

كان السعر نوعا ما غالي بـ 510 دينار كويتي للخمس ليالي لغرفه مطله عالبحر لشخصين من غير افطار

الفندق بشكل عام نظيف ومريح والانترنت مجاني بكل انحاء الفندق

توجد خدمة ايقاف السيارات بسعر 25 يورو لليوم

وهذا موقعهم عن طريق بوكينغ اضغط هني

ملاحظه مهمه بخصوص السكن في هالفندق يتميز بالهدوء مافيه ازعاج حتى في الشاطيئ المقابل المكان هادئ .. لكن مافي يمه لا سوق ولاشي فقط محلات صغيره كبقالات

اذا خرجت من الباب الخلفي للفندق راح تلاقي على يسارك في بقاله صغيره ويمها مطعم صغير هذا قزرنا فيه افطارنا كل يوم اكله جيد الصراحه وسعره رخيص ويمه صيدليه

اما اذا اتجهت يمين على مسافة 200 متر تقريبا راح تلاقي بقاله يبيعون فيها عرب وامامها مطعم عربي حلال يبيعون فيه مغاربه يبيع شاورما وكباب وهمبرجرات هذا بالنسبه للفندق اللي حجزت فيه

مقترح آخر بالنسبه للسكن .. اذا خرجت من الباب الرئيسي للفندق باتجاه الشاطئ على يسارك وعلى مسافة تقريبا 3 كيلو يوجد الميريديان Le Meridien Nice

ميزة هذا الفندق انه قريب من المدينه القديمه والتسوق ومطاعم ماكدونالدز ومكاتب حجز السيارات ويوجد بالقرب منه ايضا مطاعم كثيره منها الحلال

لكن يعيبه الازعاج فهو في منطقه مزدحمه لانه يعتبر مركز المدينه مابين البحر والمدينه القديمه والسوق

 

المواصلات : سعرها مرتفع جدا جدا بالنسبه للتكاسي خصوصا اذا ودك تروح رحله برايفت كذلك اسعار الرحلات تقريبا الخمس ساعات للفرد الواحد بمعدل 60 الى 70 يورو واغلبها صباحا

نصيحتي تاجير سياره نفس ماسويت .. على فكره هم تاجير السياره مو رخيص نوعا ما غالي انا عن نفسي أجرت سيارة سمارت صغيره جدا يادوبها تشيل شخصين لمدة 3 ايام بسعر 323 يورو

ومحدودة الكيلومترات يعطونك 250 كيلو باليوم لكنها ارخص واوفر من التكاسي بشكل عام تاخذ راحتك متى ماتبي تطلع وترد براحتك

اعتقد هذي اهم شغلات تكلمت فيها بالسفر والان نشاهد التقرير المصور واذا في اي شي نسيته فاسمحولي

nice2012_01.JPG

العنابي يحلق بنا الى الريفيرا الفرنسيه

nice2012_02.JPG

سبحان الله هذا احنا فوق الغيم ولكم ان تتخيلوا روعة المنظر ... كأنه قطن سبحانك ياربي

nice2012_03.jpg

وبانت ملامح نقطة التوقف في ميلان الايطاليه كان الوصول بعد شروق الشمس مباشرة

nice2012_04.jpg

بعض من مدينة ميلان الايطاليه ,, متوجهين الى نيس

nice2012_05.JPG

وهنا بدت ملامح مدينة نيس الجميله biggrin.gif

nice2012_06.JPG

 

nice2012_07.jpg

ولازلنا نحلق فوق مدينة نيس ندور الطبَه ... بس تعبنا من السفره

nice2012_08.jpg

ووصلنا فندقنا مثل ماذكرته لكم فوق راديسون بلو

nice2012_09.JPG

اطلالة الغرفه على البحر والشاطئ وهالشجره مأذيتنا ماتخلينا نشوف على راحتنا

nice2012_10.jpg

وهذي صوره للمطعم الخلفي للفندق اللي كل يوم نتريق فيه اسمه Brasserie restaurant

طبعا قزرناها اومليت وخبز .. والحلو ان يم المطعم لاصق فيه مخبز اذا ودكم ببعض الجبن والخبز tongue.gif

nice2012_12.jpg

سيارتنا العزيزه اللي اجرناها icon_lol.gif اعنبوا دارها هالقوطي بـ 323 يورو لمدة 3 ايام عيل لو مأجر بورش جم بيطلع ؟؟

بس الحلو بانزينها مو غالي وماتصرف وخفيفه وبكل مكان تسفطها ماتتوهق بالسفطه كلش icon_lol.gif

نصيحه اخرى اذا بتاجرون في نيس اخذوا سيارات صغيره لان مسافطهم صغيره جدا السيارات الكبيره ماتدور عندهم فمن جذي مسوين مسافطهم صغيره

nice2012_13.JPG

يالله تقهووا حياكم ... ونبلش الجولات والرحلات

طبعا كانت السفره اساسها تصوير ومايمنع ان نستانس ونشوف اماكن جديده اول مره نزورها

nice2012_11.jpg

واول زياره كانت للـ أنتيب

nice2012_14.JPG

وهني في طريقنا للانتيب

nice2012_15.jpg

هذي بعض شوارعهم عشان تاخذون فكره

nice2012_16.jpg

وصادف بطريقنا عرس فرنسي ومسوين زفَه وقلنا وياهم ديد ديد h14.gifh19.gif

nice2012_17.jpg

ووصلنا الى احد شواطئ الانتيب الصغيره .. شاطئ هادي تقدر تمارس فيه السباحه بعيدا عن الازعاج

nice2012_18.jpg

 

nice2012_19.jpg

 

nice2012_20.jpg

ولازلنا في الانتيب

nice2012_21.jpg

خلاص بس ليَل علينا الليل لنعود وثاني يوم قررنا نروح لمدينة كان الجميله

تتميز هالمدينه بميناء كبير جميل على طول الميناء مطاعم وكافيهات واذا صادف يوم ويك اند عندهم لازم يسوون عروض عالميناء

nice2012_22.jpg

ميناء كان

nice2012_23.jpg

بعض من مقاهي ومطاعم كان المطله على البحر

nice2012_24.jpg

وفي ظل فرارتنا شفنا هالطياره وقلنا خل ناجرها تطق فينا فره على جزيرتين بالقرب من مدينة كان طبعا المده بسيطه جدا تطق فيك فره وتردك .. قلنا نجرب وكان صديقي اول مره يركب هليوكوبتر

nice2012_25.jpg

بسم الله توكلنا على الله ونشوف بعض الصور

nice2012_26.jpg

 

nice2012_27.jpg

 

nice2012_28.jpg

 

nice2012_29.jpg

وهذي جزيرة lerins island

nice2012_30.jpg

ونرجع للميناء

nice2012_31.jpg

 

nice2012_32.jpg

مدينة كان بالليل ومطاعمها شابه ليتاتها

nice2012_33.jpg

خلوا يوم كامل في مدينة كان فهي تستحق للامانه فيها محلات كثيره وماركات عالميه ومطاعم ومكان جميل

nice2012_34.jpg

ومن ثم نعود لفندقنا بالليل

nice2012_35.jpg

وهالكارافان لازال سافط بنفس المكان من اول ماوصلنا ماتحرك

وفي اليوم التالي قلنا بنروح للجهه الاخرى صوب موناكو ومينتون مرورا بمدينة ايزي Eze

nice2012_36.jpg

مدينة Eze

nice2012_37.jpg

 

nice2012_38.jpg

ونكمل طريقنا الى مدينة Menton القريبه جدا على الحدود الايطاليه

nice2012_39.jpg

ونصل الى مدينة Menton

مدينه جميله صغيره عفويه جدا اهلها خليط طليان على فرنسيين والاهم من هذا كله فيها ماكدونالدز icon_lol.gif حق الاكل

طبعا مالنا الا فيش فيليه زرعت بطونا من الفيش فيليه icon_lol.gif

nice2012_40.jpg

فيها متحفين قرب بعض واحد قديم وواحد حديث دشينا القديم

nice2012_42.jpg

وهذا المتحف الحديث من بره

nice2012_41.jpg

الحين ناخذلنا جوله في احياء المدينه الجميله

nice2012_44.jpg

Menton

nice2012_43.jpg

Menton

nice2012_45.jpg

وبعدين نحدر ونروح لمدينة موناكو

nice2012_46.jpg

منظر لكازينو موناكو في قلب العاصمه مونت كارلو والذي صمم في عام 1879

nice2012_47.jpg

ميناء موناكو

nice2012_48.jpg

 

nice2012_49.jpg

Casino de Monte-Carlo

nice2012_50.jpg

Casino de Monte-Carlo

بعدين نعود ادراجنا الى فندقنا

nice2012_51.jpg

جنه طريق رقم سبعه للحبيب غرندايزر icon_lol.gif

ونخطط  في الذهاب الى مكان انا اخترته شخصيا من غير مايعرف صديقي ليش رايحين للمكان سوا انه منظر وشاطئ وصادف يومها الصبح مطر شديد لكن اصرينا على الذهاب ... الحافظ الله سبحانه

nice2012_52.jpg

المطر ينهمر على شباك غرفتنا في الفندق

nice2012_53.jpg

وهني ننطر سيارتنا العزيزه على ماتوصل من الكراج والمطر لازال ينهمر صباحا

nice2012_55.jpg

 

nice2012_54.jpg

وهالطيب شافني اصور قال الا يصورني ... عاد تطوف علي تصورني من غير ما اصورك ؟؟ مايصير يالحبيب icon_lol.gif

nice2012_56.jpg

تاكسي ينطر ركاب لعل وعسى

nice2012_57.jpg

واحنا بالطريق بدت تخف الامطار الى ان وصلنا الى مدينة Frejus

وهي مدينه يكثرون فيها الكواشيت h19.gifفيها اماكن للتخييم بس من نوع ثاني

nice2012_58.jpg

هذيل مخيماتهم ... كل واحد عنده كارافان ويسفط تحت اي شجره ويكمل بقية رحلته في اليوم الثاني ان اراد او يكمل قعدته بالمكان

nice2012_59.jpg

بحيره يم مخيماتهم

nice2012_60.jpg

ونوصل الى مدينة سانت رافيل St. Raphael

وهو المكان اللي انا ابيه وفيه تم انزال فرقتين عسكريتين اثناء الحرب العالميه الثانيه في اغسطس 1944 واطلق على هذه العمليه عملية الفارس السندان وهو بالقرب من جزيرة

Île d'Or

وهي جزيره خاصه استلهمت خيال الفنان والرسام هيرجيه مؤلف روايات تان تان وألـف رواية الجزيره السوداء مابين عامي 1937 و 1938

nice2012_61.jpg

احدى عربات انزال قوات التحالف اثناء الحرب العالميه الثانيه موجوده كنصب تذكاري

nice2012_62.jpg

وهذه اهي الجزيره اللي الف روايتها الفنان البلجيكي هيرجيه .. تان تان والجزيره السوداء

nice2012_63.jpg

احد القوارب على الشاطئ للي يبي يتمتع في السباحه في المكان

nice2012_64.jpg

 

nice2012_65.jpg

ونعود بعد ذلك الى شاطئ فندقنا ... ونشوف الطيبين كل واحد يمارس هوايته المفضله بالمشي والقواري

nice2012_74.jpg

 

nice2012_75.jpg

غلطان على هالعدادات اللي بالسياره ... هذا ماله داعي كاميرا لتحديد السرعه الشرطي اللي يوقف عند الاشاره يشوف جم قاعد تمشي icon_lol.gif

ونروح للمدينه القديمه في نيس ... وفيها السوق للي يبي يتسوق ومطاعم وذات سكيك ضيقه جدا للي يحب المدن الضيقه ... اترككم مع بعض الصور

nice2012_69.jpg

 

nice2012_66.jpg

 

nice2012_67.jpg

ياويله اللي يتحرش ويقرب h15.gif

nice2012_70.jpg

هذا التك تك مالهم icon_lol.gif

nice2012_72.jpg

شوارعهم وسكيكهك الضيقه في البلده القديمه

nice2012_73.jpg

احد مداخل البلده القديمه

nice2012_71.jpg

واخيرا وليس آخرا في الليله الاخيره في نيس اخذلي فترة راحه ونقاهه في الفندق في المسبح وتبدأ بتوديع المدينه على أمل العوده لها لاحقا

nice2012_76.jpg

 

nice2012_77.jpg

آخر غروب في مدينة نيس ولازال الكارافان على سفطته امام الفندق ماتحرك icon_lol.gif

nice2012_78.jpg

وننطر طيارتنا والمطر ايضا ينهمر لاستكمال رحلتي الى مدينة أخرى ... سترونها قريبا ان شاءالله

nice2012_79.jpg

يالله يالربع يا اصدقاء الرحله اخرتونا ترى asmilies46.gif

واللي حاب يتابع بقية الصور اللي مانزلت في التقرير فهناك الكثير والكثير في حسابي على الانستقرام حياكم الله

Hamad_dndrn

استودعكم الله الذي لاتضيع ودائعه