السلام عليكم ورحمة الله وبركاته

بعض صور من مسيرات هذا العام 2010 من الاعياد الوطنيه والتحرير للكويت .. والجزء هذا من مسيرة العيد الوطني يوم 25/2/2010 من شارع الخليج العربي

عاشوا الشباب ... ها مستعدين ؟؟

ربي يحفظك

اخوان من البحرين الشقيقه بايعينها ورايحين المسيره بجيب كشف ... اشناوين على اعماركم ؟؟ تبون تتغرقون من الفوم ؟؟

هالبنوته الله يحفظها ويخليها رشّت رغوه على راعي هالسيكل اللي قلب بسيكله وماتعوّر الحمدالله الله ستر عليه فقام الحبيب بياخذ بثاره من البنوته وخذا الرغوه مالتها ورش عليها

عاد الشاب اللطيف اللي بالصوره التاليه مايازله الوضع وراح يدافع عنها

عدل عدل يالفزعه بس كانوا على ضحك وغشمره مو صج

كلش مو وقته الزملاء المصورين كلوها شوية رغوه

يقولك نص المرجله النحشه انحش ياولد

انزين طالع المكان اللي بترشه رغوه مو جذي اتصد وترش

حده قوي هذا اللي يرش على السياره والمدفعجي فوقه

انزين شيل جنطتك اللي طاحت

 

تكفى تلفت رفيجك اللي قاعد وراك الرغوه كلها عليه مو على الخصوم

اكلوها

شتنظف يالحبيب شتخلي ماكو فايده خلص من المسيره بكبرها بعدين نظف النظاره

قاصد جداكم حافي ... ياحلوين المشم

هجوووووووم

ماعليه هاردلك شباب

ينطرون ضحيه تمر عليهم عشان يغرقونها

ايضا تنطر

صيدووووه

وين داش بينهم يامعود

هياكل عظميه مو صجيه داخل كبوّت سياره

ايه حيلج فيهم ... عاشت والله ... ربي يحفظج

تكتبون ذكرى على محوّل انتوا ؟؟

خوش شي هالحجاب على علم الكويت فديته

سترك يارب

من الشغلات الكريهه احد يرفع مسّاحة السياره ويرشون عالجام ولما يصير شي لاسمح الله يحطون اللوم على راعي السياره خو مايشوف المسكين

والشغله اللي اكره من هذا كله لما ايوولك سيارات مسرعه حدها بجانب الرصيف اللي فيه اليهال يرشون رغوه ودايس حده زين طلع لك ياهل بالغلط ودعمته لاسمح الله شبتسوي بعدين ؟

يبا ان شاءالله ماتدعمه فرضا طار قوطي من القواطي المحذفه بالشارع على ياهل والا عايله قاعدين تتوقع القوطي يعني مايعور ؟؟ لا ترى يبط الراس ويسوي عاهه يا اللي تسوون روحكم مايكل شوماخر وتدوسون بجنب الرصيف ... خلاص امشوا على الراحه خو كلها رغوه ما تذبح

خو شوي شوي يالطيب

مسكينه كلتها الياهل اللي فوق السياره

عسى ربي يحفظكم كلكم ويطول باعماركم

توزيع حلاو مجاني

انتوا اللي الله يعينكم والله ويعطيكم العافيه محد ياكلها غيركم من هالغيله اللي تصير بالشوارع

شكرا خوش استقبال

دوم عالي يارب

ها ماخذ يوش ؟؟

الله يعينك من قلب

اها وانا اقول ليش ماتوخر الرغوه اللي على جامة السياره اثاري المسّاحه يدويه

بسرعه غسلها بماي يالطيب

 

افراغ ماتحتويه العلبه من رغوه

محاوله بائت بالفشل لفتح الباب الخلفي لآحدى الجيبات المحصنه

هليوكوبتر الداخليه تلقي المنشورات على جموع الكويتيين والمقيمين يحثونهم على التعاون مع رجال الامن في جعل هذه المسيرات بشكل لائق وطيب .. مشكورين

 

سياره ترقص مستانسه بالعيد الوطني

ارحموا سيارة قوم ذلت

النتيجه النهائيه للرغوه

واشوفكم ان شاءالله في مسيرة يوم التحرير 26/2/2010

فمان الله

العوده للصفحه الرئيسيه