السلام عليكم ورحمة الله وبركاته

مسائكم وصباحكم ورد ... حبيت اطل عليكم من بعد عطلة العيد الوطني وعيد التحرير ببعض اللقطات الاحتفاليه لمسيرات الاعياد الوطنيه في دولتنا الكويت

مابي اطول عليكم بالمقدمه واخلي الصور اهي اللي تتكلم

بسم الله ونتوكل على الله

من شارع الخليج العربي وعلى مدى يومين يمعوا الناس ماحلا لهم من مسدسات ورشاشات مائيه وفوم حق التلطخ والفرفشه اللي راح تصير ... ومايندرى عاد على جم كانوا ينباعون قواطي الرش في اللي يبيع بربع وفي اللي بنص وفي اللي بدينار كل واحد وعلى حسب الحدث اللي عنده .. نبلش مع شوية هالزحمه ونتجول في جم واجهه بحريه عشان نشوف شصاير بالمسيرات

تجمع وتأهب على قارعة الطريق للعفيسه والدندره

بلش الحبيب بو غتره .. والفوم ماله بو خيوط هذا مايخوف ولايوصخ عالخفيف بس

اما اللي فوقه لا الحبيب قلبها ناي وقام ينفخ على كيفه

انزين شالمطلوب يعني من كتابة الرقم ؟؟ لنفترض حسن النيه ويبي يستفسر من صاحب السياره اذا كانت للبيع أو لأ

عالخفيف عالخفيف ياشباب لاتتهورون

تونا نقول عالخفيف شاللي غير الاحوال

يالله خذ راحتك ورش على كيفك

ها جنه مايازلك الوضع بالرش تبي تفتح الباب

بالله شلون بتنيشن عدل الحين ؟؟ خو مغمض عيونك شنو بيطلع معاك

الله يعينك صارت زحمه والسبه هالياهل

هيييييييييييييييييييييييييييييييييييي

طش طاخ طرباخ ... طقش طم طاخ طاخ طاخ <=== مؤثرات صوتيه للطق

=====

=====

هذا هالياهل النزغه اسم الله عليه ... فتح الباب الخلفي للجيب وسووه دقه باللي بتشوفونه الحين ... بطل الباب الخلفي عليهم من ورا وقام يرش يرش لين طلعه من السياره وخلاه يركض لا وماكفاه بعد قام وركضه وراه

كاهو

تكفى خلاص ارحم السياره يالطيب والله كسر خاطري السياره وراعيها خلاص يالطيب خلهم بحالهم واللي يخليك لاهلك

جونغاااااااار ... ماشاءالله ينط عالباص بعد

اعنبوا دار بليسكم وناسه وضحك علامكم صايرين دفاشه وطق مطاقق

اي تشمت يبا تشمت

====

يالله اهو حاول بالفوم عسى ربي يحفظك حاول وانا معاك ان شاءالله لي الآخر ...

عسى الله يخليك لأهلك يارب

والله احلى مافي المسيرات اليهال ووناستهم عسى الله يخليهم ويحفظهم قولوا آمين

اسم الله عليج ربي يحفظج ويخليج لأهلج يارب انتي والعلم اللي ماسكته بيدينج

سلام مربع لليهال

====

ها شكو ماكو يجرب البخاخ يشوفه شغال والا لأ

مستعد للمعركة الصابونيه برشاش مائي عيار 50 مللم يعمل يدويا بمجرد التل والسحب على مقدمة السبطانه الأماميه لدفع الماء لمسافة تصل لعدة امتار قد تتجاوز الشارع الآخر في بعض الأحيان

استراحة محاربين

اي حيلج فيهم

والآن مع استئناف الرمي مرة أخرى برشاشات الماء البعيدة المدى

جاهز ؟؟؟

ارمـــــــــــــــي

نيشن عدل ماوصيك بعد انت ابي عالعين بالضبط بس يكون ماي لايكون شي ثاني

في اثناء المسيرات تشاهد بعض الاكشنات اللي تصير وتحتاج الى اكثر من صورة لرواية القصه بشكل مختصر اخليكم مع هالحبيب اللي مطلع رشاشه ويرش عالناس من جامة السياره بفتحه ضيقه جدا شوفوا شصار فيهم

بداية القصه يرشون عالراحه

بعدين جان يطيحون عليهم ... شوفوا

====

====

بس خلاص يالطيب اغلق النافذه يابو الشباب

شاب لطيف آخر

ماشاءالله للحين ماحاشه شي

ماعليه شوية رغوه وخالصين

انزين خلاص دخل ايدك لايسكرون النافذه عليك

====

اعنبوا دار بليسكم حتى تهوية الفتحه ماتخلونها بحالها ؟؟

انحكر هالصبي المسكين بروحه

لا الحمدالله يتله الامدادات

عفستهم يالطيب شسويت فيهم خلاص ارحمهم امسحها بويهي يايبا

بحر من الرغوه

مطر مطر صناعي صار ... والا دبي احسن منا بشنو يعني هم احنا عندنا امطار صناعيه بس في هاليومين بس

ماشاءالله تبارك الرحمن مايفيدك لو تحط مو ايدك بعد

اياباه في هاليومين تشوف حتى الثلوج شوف عيونك بالكويت

اجري اجري اجري وصلني اوام وصلني

من امه بعد مو مقزرها تركض على الشارع حافي الله يهديك

====

صادوه المسكين

انحش ... كفو والله خوش خادمه خايفه على بنية معازيبها الصراحه ... انزين مصعتي ايد البنت يامعوده شوي شوي عليها

طش طش طش طش طش ... خلاص بس اكل فشغي الولد ماسوت عليه اللي تحرش فيكم

نعيما يالطيب

هم نعيما يالطيبه ... مسكينه هذي ماقامت تدل طريجها من الفوم اللي على عيونها

أححححححححححححححح لبست صح

مسكين رضخ للواقع من تحت ومن فوق كل مكان يرشون بويهه

تكبر وتنسى ماعليه

اسم الله عليها اتنظف ظهر اختها

من جدام هالله هالله ومن ورى يعلم الله

نريح شوي ونكمل عقب ونشوف شوي من الفعاليات اللي صارت

عسى الله يطول بعمرك يابو ناصر ويحفظك .. هذا المنطاد من عمل فريق اماراتي سووه مشكورين بمناسبة احتفالات الكويت باعيادها الوطنيه ومرور 3 سنوات على تولي صاحب السمو امير البلاد مقاليد الحكم

الله يرحمك يابو مبارك لازلت بالقلب

التوقيع على أطول رساله حب للوطن

 

منتخب الكويت في رش الفوم

 

ودي اشوف لولي اللي يقولون عنها

ونكمل المشوار المسائي

اوووه سلامات يبا سلامات ها عسى ماشر يالحبيب ؟؟

السبب بسيط كانت سيارته نظيفه

====

تحمل ياراعي الوانيت

ياويله ماقام يرمّق الحبيب اللي يعينك

اي ماخذ راحتك بالرش ها ؟؟

اكلوها الحين

اوله 11 واحد على سياره وحده ؟؟ ماقول الا الله يرحم حالك

وبجذي خلصت مسيرات هذا العام على امل اللقاء بكم في السنوات القادمه باذن الله تعالى

وعيدي ياكويت عسى ربي يديم عليج السعاده والوناسه والفرح يارب

محدثكم من شارع الخليج العربي دندرن

ملحوظه صغيره .. اللي يبي ينقل الموضوع خل ينقله لأي قروب او منتدى ماكو مانع بس مو خسرانين شي لما تقولون انه منقول من فلان او علان او تحطون الموضوع كامل من غير زياده ولانقصان مع حفظ الحقوق ترى هذي امانه تسألون عنها يوم القيامه وهالكلام للبعض طبعا اللي مسوين روحهم فناتق ويقصون التوقيع اللي عالصور وينسبون المجهود لهم ... مو محللين لي يوم الدين ترى ماراح ينقص منكم شي :)

ودمتم بود وسلام