السلام عليكم ورحمة الله وبركاته

في 25 و 26 فبراير من كل عام اتصير عندنا بالكويت مسيرات للعيد الوطني وعيد التحرير في هاليومين ... طبعا تكون اغلب مناطق الكويت فرحانه ومبسوطه ومستانسه
اللي على طول خط البحر ... واللي بالشاليهات واللي بالمخيمات واللي واللي ... وربعنا هالسنه ماشاءالله بدوا المسيرات من اول يوم هلا فبراير ههههه فيهم كبت الظاهر المهم اليوم بنشوف المسيرات في مكانين واهمه الشاليهات وبعدين نروح خط البحر ..

يالله توكلوا على الله ونشوف اول شي منطقة الشاليهات

نروح الحين ونشوف بعض التحذف من بعض الاخوان ^_^

عاد مو شي قاعد في امان الله واييلك واحد ماتدري من وين ويحذف عليك تفاخيه بس اهي ردت على التفافيخ ؟؟ هالسنه صار تحذف بيض وصخر ... الله يستر في السنوات القادمه مانشوف بنادق ورشاشات والا دبابه داشه المسيره


هههههههه جندس جندس لاتحوشك

هههه اثار الجريمه ماانبطت

ويّل ويّل يبا بس تركد لااتيي على راسك وراك سيارات

طربق طربق طربق وراهم وراهم

مايصير شوي شوي على الولد مايصير كلكم عليه

احلف بس

ماعليه يمدحون سايق البيت ينظف السياره ^_^

الحين خلونا انخلي الشاليهات ونروح حق خط البحر على شارع الخليج العربي
 

خوووووش اجواء الصراحه تونا داشين بسم الله الرحمن الرحيم

يالله سترك هذيل شناطرين ؟؟ يبا روحوا مناك مالنا خلق تحذف بعد

لاتعليق خو الصوره معلقه روحها وخالصه

يامعود صك الباب لااتهبد ترى الشيطان موجود ... لاتصير عنتر وشاد حيلك .. لا خل يشوف دورية الشرطه ويوقفه يقعد ساعتين يترجى فيه .. تكفى يالطيب نبي نستانس لااتضيق خلقنا خو سوق مثل الاوادم ومحد يحاجيك ليش التفلسف الزايد ومبطل الباب وتسوق بأيد وحده شدعوه شوماخر عاد

حشا اتقول يرش فليت على زهيوي مو سياره الله يحفظهم

بيـــــــه انتوا صج الله يعينكم شايلين كشف السياره ويايين مسيره ؟؟ رحتوا فيها ^_^

ماعليه نعيما شباب .. اهيه خيوط حصلوا اهوه صابون اهيه قواطي بوسط السياره ... عسى بس طلعتوا بماجله حلوه للبيت ؟

يامعود شمطلعك دش داخل .. بس احلى مافي الموضوع رفيجه اللي يسوق السياره يعني بيخفف عنه اللويه اللي اهوه فيها وقاعد يرش من داخل السياره وشكلها اخرتها كل الرغوه داخل طبلون السياره

��كوا عليهم خوش صكه

زين اشوه يامعود لقيتلك شجره تنخش وراها ... شوفوا الياهل قاعد يتربص بهم يبي يغرقهم هىهىهىى

عاش بدر بن عبد المحسن على هالقصيده

حشا مو مسيره قاعدين بالمركز العلمي

على البراد يرش الحبيب

قناص مأجور

خوش والله واقف لهم الحبيب ويقولهم رشوا علي ... زين على الاقل بعّد شوي عن الرصيف ترى وايد قريب

لظاهر الحياة كلها بتصير تمشي منكوسه (منكوسه يعني بالمقلوب)

وخلصت وملصت ويت الديايه وعنفصت واشوفكم ان شاءالله على خير
في أمان الله