السلام عليكم ورحمة الله وبركاته

بعد ان تكللت ولله الحمد رحلة الريفيرا الفرنسيه بالنجاح اذا تبون تشوفونها ضغطوا هني

اكملنا طريقنا الى جزيرة مايوركا الاسبانيه عن طريق إحدى شركات الطيران الله يسامحهم اللي ضيعوا جناطنا icon_lol.gif

ملاحظه : راح اقسم رحلة مايوركا الى جزئين نظرا لكثرة الصور

وفي البدايه بتكلم عن اساسيات الرحله المهمه :

الطيران : حجزت على احدى شركات الطيران التجاري من نيس الى مايوركا عن طريق برشلونه ترانزيت كان من المفترض ان يكون ساعه ولكن بقدرة قادر صار نص ساعه واعتقد هذا اهو السبب اللي ضيع جناطنا .. ان الرحله كانت بسرعه بسرعه ومامداهم ينقلون الجناط من طياره لي الطياره الثانيه ... الرحله كانت قصيره جدا تقريبا 50 دقيقه من نيس الى برشلونه ومن برشلونه الى مايوركا نص ساعه فقط.

 

السكن : حجزت اربع ليالي في فندق Melia Palas Atenea

ولمشاهدة الفندق اضغط هنا

بسعر 555 يورو للاربع ليالي .. لشخصين في غرفه مع الافطار في مطعم كبير جدا ويشمل اصناف كثيره من الاكل

الغرفه واسعه والحمام وانتوا بكرامه منفصل عن الغرفه .. الانترنت مجاني في جميع انحاء الفندق

الفندق بشكل عام جميل جدا ومريح والخدمه ممتازه وموقعه كذلك

يتميز بوجود الكثير من المطاعم والبقالات والمحلات ومتاجير السيارات بالقرب من الفندق

كذلك يوجد مطعم هندي حلال قريب جدا من الفندق لما تطلع من الباب الرئيسي للفندق اتجه يسارا مسافة 200 متر تقريبا ستجدون المطعم وانصحكم في برياني الربيان فهو لذيذ

اما بالنسبه لمواقف السيارات فيوجد موقف مجاني امام الفندق مباشره

 

المواصلات : انصحكم بتأجير سياره فالاسعار ارخص بكثير من نيس الفرنسيه انا أجرت سياره أودي مفتوحة الكيلو مترات تكفي لخمس اشخاص تأمين شامل شامل ضد أي شي لاقدر الله لمدة يومين بسعر 284 يورو او تستطيع ان تأخذ التور مال الباص مال الجزيره وراح احطلكم خريطته يوديكم اهم الاماكن في العاصمه بالما

 

اماكن قريبه من الفندق ... الكاتدرائيه الرئيسيه وخلفها بمسافه قريبه جدا السوق الرئيسي ويوجد ايضا قلعة بوليفار

كذلك الاكوابارك والحديقه المائيه الخاصه بالدلافين لمن يحب هذه الامور

وبما ان رحلتي كانت تصويريه بحته فانا للامانه مارحت حق هالاماكن مامداني اروحلها لاني كنت اطلع من الفندق بعد الفطور في الصباح وما ارجع الا في المساء اكون منهك القوى icon_lol.gif

ان شاءالله مره ثانيه اذا رحت لمايوركا راح تكون الزياره لهالاماكن اساسيه باذن الله

والان اترككم مع التقرير المصور

mallorca2012_001.JPG

لحظة الوصول الى مطار مايوركا ... في الطريق الى استلاط الجناط

mallorca2012_002.JPG

وننطر وننطر وماكو جناط h02.gif

وقف السير وماوصلت الجناط شالحل ؟؟ مالك الا تشوف البوردينغ مالك وتشوف اسم الشركه الناقله للجناط وتروح تبلغهم ... عاد قالولنا ثاني يوم يوصلونكم

نصيحه لاتخلون الاشياء المهمه في حقائب الشحن مثل الموبايلات وفلوسكم والاثباتات والاشياء الثمينه لازم تكون معاكم جنطه ثانيه تاخذونها معاكم بالطياره فيها الاشياء المهمه عشان لاتتوهقون في حال ضياع الحقائب

لان اذا كان فيها ملابس الجناط الضايعه امرها هيّن كلش كلش روح اشترلك جم تيشيرت قزر فيه

mallorca2012_003.JPG

جنطتي رفيقة دربي اللي بقت h13.gif

mallorca2012_004.JPG

 في طريقنا الى الفندق مرورا بالكاتدرائيه ..

وبعد وصولنا الى الفندق والى غرفتنا الجميله اللي نشوف هالطله الجميله لها على البحر

mallorca2012_007.jpg

وبعد الواحد يكون شوي تعبان من السفر وطبعا اهم شي بعد هاللويه يقولك الاكل h17.gif

ولقينا مطعم هندي اكله حلال هوووبا بالعافيه

mallorca2012_005.JPG

صج شوي شكله مايساعد لكن اكله لذيذ انصحكم في برياني الربيان ... بس عاد اللي ياكل منه بعدين ويصير شي لاسمح الله مالي شغل ممكن يكونون الطبابيخ تغيروا او شي لاسمح الله انا مالي شغل icon_lol.gif

mallorca2012_006.JPG

وهذي صوره للبرياني

وفي صباح اليوم التالي قررت انا دندرن ان ابلش رحلاتي في مايوركا ورحت ابحث عن سياره استاجرها وماشاءالله حوالين الفندق يمكن اكثر من 8 شركات تأجير سيارات

وكان الجو ماطرا ينهمر رويدا رويدا وانا احوس ابحث عن سيارة استأجرها ولله الحمد وفقت في الحصول على سيارة اودي كما ذكرت لكم فوق من يوروب كار ... انصحكم فيها خوش شركه

mallorca2012_008.JPG

وبعد ان خذيت السياره وعدت للفندق والا اشوف حبايبي امامي h12.gif

mallorca2012_009.JPG

حقائبنا الجميله اللي ماصاروا من بيتنا قريبه

الحمدلله على سلامتكم

والحين بعد ان وصلوا الجناط ابلش بالرحلات

وعلى بركة الله بدأنا

وتوجهت في البدايه الى مدينه جميله يغلب عليها الطابع القديم والحديث وفيها جهتين بحريه وبريه وهي مدينة

Andratx

mallorca2012_010.jpg

في الطريق الى المدينه

mallorca2012_011.jpg

 

mallorca2012_012.jpg

ميناء اندراتكس

والان الى بعض الازقّه والمباني التراثيه في المدينه البريه

mallorca2012_013.jpg

 

mallorca2012_014.jpg

احدى القلاع الاثريه في المدينه

mallorca2012_015.jpg

 

mallorca2012_016.jpg

اهم شي العصا اللي عالشباك

mallorca2012_025.jpg

ونذهب الى الواجهه البحريه والميناء

mallorca2012_017.jpg

 

mallorca2012_018.jpg

لقطه للميناء الصغير في المدينه المتفرع من الميناء الكبير

mallorca2012_019.jpg

بعض المحلات والكافيهات على الميناء

mallorca2012_020.jpg

 

ومن ثم نتجه الى احد الشواطئ الجميله وهو

Sa Calobra

ملاحظه جدا مهمه الطريق جبلي ويصعد وينزل فيك ويصعد وينزل h14.gif فانصح في الذهاب الى هذا الشاطئ باكرا ليتسنى لك معرفة الطريق جيدا وتتمتع في السباحه هناك وتعود قبل الليل لان الشارع مساءا خطر نوعا ما حيث تصل الى قمم عاليه جدا

ويتهادى عليك الغيم من خلال السياره وقد تنخفض الرؤيه في المساء h20.gif فانصح ان تكون الزياره مبكرا وراح تشوفون نوعية الطريق في الصور القادمه

mallorca2012_021.jpg

الى كالوبرا

mallorca2012_022.jpg

مدينه على طريقنا

mallorca2012_023.jpg

يا أُهَيْلَ الحَيِّ مِنْ وادِي الغَضَى

وَبِقَلْبي مَسْكَنٌ أَنْتُمْ بِهِ

ضَاقَ عَنْ وَجْدِي بِكُمْ رَحْبُ الْفَضَا

لا أُبالي شَرْقَهُ مِنْ غَرْبِهِ

أَحْوَرُ المُقْلَةِ مَعْسولُ اللَّمَى

جَالَ في النَّفْسِ مَجَالَ النَّفَسِ

سَدَّدَ السَّهْمَ فَأَصْمَى إِذْ رَمَى

بِفُؤادِي نَبْلَةَ المُفْتَرِسِ

mallorca2012_024.jpg

ولازلنا في الطريق

mallorca2012_027.jpg

 

mallorca2012_028.jpg

وندخل المدينه قبل الصعود الى الطريق المتعرج

mallorca2012_026.jpg

بداية الطريق المتعرج بسم الله

mallorca2012_031.jpg

 

mallorca2012_030.jpg

والله انك اقشر ... الحبيب نازل ماراح يتعب بس هد دوسة القاري وروووح

mallorca2012_029.jpg

احد الوديان واذا وقفت فيه راح تسمع صوت الصخول بكل مكان icon_lol.gif

mallorca2012_032.jpg

 

mallorca2012_033.jpg

 

mallorca2012_034.jpg

 

mallorca2012_035.JPG

عدتي الحبيبه .. الله يخليها لي قولوا آمين

mallorca2012_036.jpg

 

mallorca2012_037.jpg

عدو عيني يسكن هني h09.gif وكل يوم اصعد وانزل هالطريق ماكو شغل h20.gif يبيلها لياقه

mallorca2012_038.jpg

اريح الموتر شوي من عناء الرحله ونشم شوية هوى لطيف من فوق الجبال h17.gif

mallorca2012_040.jpg

ونكمل ... والاحمر مايغرز

mallorca2012_039.jpg

حدك رايق ومنبسط ها ؟؟ biggrin.gif عساني ما اكون بمكانك اتهبا

mallorca2012_041.jpg

ها منو فيكم فيه شده يكون بمكانه ؟؟ biggrin.gif

mallorca2012_042.jpg

في قهوة ع المفرق في موقده وفي نار
نبقى انا وحبيبي نفرشها بالاسرار
جيت لقيت فيها عشاق اتنين صغار
قعدو على مقاعدنا سرقو منا المشوار
 

mallorca2012_043.jpg

h21.gif

mallorca2012_044.jpg

 

mallorca2012_045.jpg

وقربنا نوصل

mallorca2012_047.jpg

وصلنا بحمد الله ورعايته

وراح تدخلون في هالممر المظلم عشان اشوفون المكان كامل بس الله يعين اللي يكون معاه شخص فيه فوبيا من الاماكن المظلمه icon_lol.gif

mallorca2012_048.jpg

 

mallorca2012_046.jpg

 

mallorca2012_049.jpg

 

mallorca2012_050.jpg

هذا هو المكان

mallorca2012_052.jpg

وهذيل بعض الكافيهات والمنتجعات الصغيره للي يبي يسبح ويتمتع بالسباحه في المكان

mallorca2012_051.jpg

وبدأ الغروب يهبط علينا ونودع المكان ونرجع الى فندقنا بعد يوم متعب وتنتهي رحلتنا لليوم الأول ونشوف رحلة اليوم الثاني

وهي الذهاب الى الكهوف المايوركيه وهما

coves del drac

واللي يعتبر ثاني اكبر كهف في العالم

و coves del hams

mallorca2012_053.jpg

في الطريق الى الكهوف ... الطريق الى الكهوف افضل بكثير من المكان اللي قبله هذا طريق نوعا ما مستوي

mallorca2012_054.jpg

 

mallorca2012_055.jpg

 

mallorca2012_056.jpg

وصلنا ونروح للكهف الاول وهو

coves del hams

mallorca2012_057.jpg

 

mallorca2012_058.jpg

خريطه توضح الاماكن داخل الكهف

ملاحظه : يسمح التصوير في هذا الكهف لكن من غير فلاش

mallorca2012_059.jpg

في انتظار الدخول

mallorca2012_060.jpg

لحظة الدخول .. وانا آخر واحد عشان اصور على راحتي ومحد يأذيني tongue.gif لاني بوقف على راحتي واللي وراي راح ياذيني يله حرك ويله امش عاد انا شلي بهالطلايب

mallorca2012_061.jpg

 

mallorca2012_062.jpg

 

mallorca2012_063.jpg

 

mallorca2012_064.jpg

 

mallorca2012_065.jpg

 

mallorca2012_066.jpg

ويسوون لكم اوبريت صغير داخل الكهف icon_lol.gif

mallorca2012_067.jpg

 

mallorca2012_068.jpg

 

mallorca2012_069.jpg

وطلعنا

mallorca2012_070.jpg

وتلاقوون مطعم صغير اذا حابين تريحون فيه شويه

وهكذا خلص الجزء الأول من رحلة مايوركا واشوفكم بالجزء الثاني ان شاءالله

 ولمن يريد مشاهدة صور لم ولن تعرض في التقرير حياكم في اكاونتي عالانستقرام

Hamad_dndrn

اضغط هنا واذهب الى الجزء الثاني لرحلة مايوركا

Count.cgi?df=HaMaDeN &ft=6&tr=N&dd=B&md=8