السلام عليكم ورحمة الله وبركاته

ماأطولها عليكم ونبتدي ونشوف جولتنا في الكويت وفي المطر ... مطـــــر تريرم مطــــــــــــــــــــــر

أنشووودة المطر

يقولكم الواحد أول مايفكر في مثل هالأجواء طبعا الغالبيه ماقول الكل ... اتييله حالة شجن وفرح مخلوطه على مادري شنو ... بس المهم انه شي زين اهو ... صارت صمونة امشكل مو مشاعر انسان

فعاد خلونا نشوف شصاير في الكويت ... وعسى ربي يزيد خير الكويت ويحفظ أهل الكويت يارب

ونقول ومشينا في طريقٍ ممطر تبدو الفرحة فيه قبلنا وضحكنا ضحك طفلين معا وعدونا فسبقنا ظلنا ... ادري اعتفست الأغنيه ^_^

خو انا بعرف الحين وين الطفلين أول شي ؟؟ وشلون عدونا في هالجو شنو ميانين ؟؟؟ وشلون يصير أكو ظل أصلا والدنيا مطر ؟؟؟؟

مومشكله هذي جذي اتصير السالفه لما تختلط المشاعر اللي قلت عنها في البدايه

هذا أول الخير شاخط ولد اللذين مو هامه الشارع كلش

أهم شي إنك تحافظ على المسافه بينك وبين اللي جدامك والأفضل انك اتوخر عن اللي جدامك اذا حسيت انه مو عارف شيسوي وكل شوي يطق بريك ... هالنوعيه حق التوهّق زاهبين عاد ... شوي والا من غير مقدمات والا كاع بريك بويهك ... انزين ليش عاد يالحبيب ؟؟

يقولك والله مادري حسيت جني شفت شي مر من جدامي   اي عتوي عتوي اللي مر

وتكمل طريجك في أمان الله

تم تم تيرم تم تريرم تم تم تم تم تريرم

ماشي وساعتي مش مزبوطه

محد مزبوطه هههههههههههههههههه

المهم نوصل حق مكان ويطلق عليه حاليا أسم لعبة الحيّه بس في الشارع

يعني ماله داعي اتروح الترفيهيه واتقص تذكره ومادري شنو اتصف دور على ماتلعب لا يبا ... الحين اللعبه صارت في متناول الجميع ومن غير تذكره ولاشي ماعليك الا انك تمسك الدائري الخامس لين نهايته باتجاه السالميه وراح توصل حق المكان المطلوب يالله نبدي بسم الله

يالله الحين عاد انروح يمين

شوي يسار وشوي يمين محلاج وانتي اتفرفرين ... فرفرينا وفرفري قومي ياحلوه وفرفشي ... عن السياره

شوي سيده

الله يسلمكم مشكورين بعد شبدي

المهم نوصل خط البحر بالسلامه ونشوف شكو ماكو

ترى الرياضه زينه ... بس مو جذي عاد مطر وبرد .. عسى الله يحفظ الكل ان شاءالله

مممممممممممممممممم لا��له الا الله شوفوا شلون السحابه صايره سوده

مو جنه يبيله زوووووووووووووووووم ؟؟

ممممممممم يالله خنروح صوب المارينا كريسنت الحين

ماشاءالله تبارك الرحمن ... ياحلوج يالكويت

هههههه وينهم ؟؟؟ العاده ماشاءالله ماكو مكان على الكراسي  هالمره امصفطين ^_^

تعالوا الحين انوريكم شغله مهمه بل وجدا مهمه لكل شخص يطلع في مثل هالأجواء الممطره

يالله نكمل طريجنا ونطلع من صوب المارينا كريسنت ونروح جدام شوي

ممممممممممممم والا انكمل نروح مطعم ثاني ؟؟

يالله عاد انتوا اختاروا أي مطعم وعليكم بالعافيه ان شاءالله

والا اقولكم يالله خنروح سوق شرق

ممممممممممممممممم يت ببالي فكره شرايكم ؟؟

خلونا نروح حق مكان يمكن مايطري على البال وانت ماتدري ^_^

يالله خنروح تعالوا اكيد بتعرفونه من اول صوره

ياعيني على الكويت من فوق الأبراج وفي هالجو الحلو

هذا جزء بسيط من شارع الخليج وتبدو الديره والغيم مغطيها وجم مطعم من مطاعم البحر وشواطئ الكويت الجميله ^_^

يالله هم بعد يبيله زووووووووووووووووووووووووووم

مطعم تشيليز

خنروح الصوب الثاني

الأكوابارك ....... هههههههههههه بعد الحين مايبيله التزحلق على كيف كيف الزحلاقيات مبلله ماعليك الا اتحذف عمرك من فوق اي زحلاقيه وانت اللي ياي على رواسي بوسط الماي

ويشتد المطر شوي شوي ونطالع مناك ونشوف الديره ^_^

عاد الحين خلاص خلونا نروح البيت ونسلك أحد الطرق الرئيسيه في طريق عودتنا للبيت

ههههههههههههه

متى بنوصل ان شاءالله ؟؟

طووووووط طوووووووووط

العوده للصفحه الرئيسيه