12/8/2005

السلام عليكم ورحمة الله وبركاته

عقدنا العزم للقيام في رحله إلى منتجع كمبينسكي جليعه .. حلوه هذي عقدنا العزم أدري .. المهم رحنا هناك وقضينا اوقات ممتعه في المنتجع

خلونا نشوف مع بعض شكو ماكو في المنتجع نتوكل على الله يالله

هني لحظة الوصول للمنتجع

يالله تعالوا خلونا ندخل داخل ... خو أكيد بندخل داخل عيل ندخل برّه ؟؟ مايصير طبعا

وهني لحظة الدخول الى المنتجع ... خوش نزله الصراحه ^_^ حق اللي مايعرف يسوق سكوتر يصعد فوق وينزل على راحته يعني امسكت

يالله خلونا الحين نروح حق الشاليه نتمشى على ريولنا هههههههه

أحم وصلنا الشاليه .. ايابااااااه خوش شاليه الصراحه

شرايكم ندخل ؟؟؟

هذا المطبخ هههههههههههه

وهذي غرفة النوم هىهىهىهى وايد كبيره الصراحه ^_^ اذا بطلت الكبت أملك تاخذ راحتك بالغرفه .. بس حلوه لابقه

مممممممممممممم طبعا الواحد لما يروح الشاليهات ماله خلق القعده بالشاليه ... فشرايكم نقعد نفتر بالمنتجع ؟؟

ياعيني على الشاليهات الحلوه ...

خوش قعدات عند الشاليهات هذا لما يصير الليل يصير فلّه

بس لحظه لحظه شوي .. وين الناسات اللي بالشاليهات ؟؟ شنو لايكون قاصين علينا ؟؟ يبا ماكو أحد

المهم واحنا قاعدين نفتر ونحوس في المنتجع جان نشوف باب على كتر جذي على طرف ... وفوقه مكتوب شي

قلنا خل ندرعم وندش في هالباب !!!

المهم جان نلاقي بعد الباب سّلم .. دري نازل لي تحت ^_^

أول ماوصلنا تحت والا نشوف هذيل

هههههههههههههههههه أثاري الجماعه كلهم هني واحنا ماندري مممممممممممممم مقزرينها في صالة الالعاب منخشين عن الحر

هني الغمنده يعني ... واحنا قاعدين نفتر ونحوس في هالشمس طقتنا الشمس طقه محترمه

لعب بلياردو وشغل عدل الحبايب

هىهىهىهى ماكو شغل

لايكون حسبالك صج ؟؟ ترى كلها لعبه ياالحبيب ^_^ أهم مافي الموضوع قوطي الكولا

ايوا عاشوا الشباب ... بطوا جبدي هالاثنين لعبهم بارد ماكو حماس .. انا ويه صاحبي اتفقنا عليهم وخذينا اللي يلعبون فيهم وكل واحد فينا قعد بصوب وقعدنا نلعب عنهم واهمه يشجعون

المهم عقب ماخلصنا وفي ظل هالاجواء هذي مالت الصالاات .. واذا كان موبايلك فاضي مافيه شي  بطّل بلوتوثك وجعّس اهيه ويفات اهيه دندرن ^_^

يالله هذا أول الخير

المهم ملينا من القعده بالصاله وطلعنا ... خلونا نتجول في ارجاء المنتجع

ياعيني على البيسين ... لالالا اشوه في ناسات اطلعوا

خوش قعده الصراحه على البيسين ^_^

ياعيني على الكراسي اللي مناك

لايكثر بس سته هههههههههه

خل نروح صوب البحر ونتسبح يالله

وصلنا البحر .. ياسلام حط كرسيك تحت وحده من هالشماسي واقعد جابل البحر وشوي سباحه وشوي بلعه ههههه وشوي جت سكي ^_^

وليـــــــه عاد بدوا الشباب بالتحرش في بنات خلق الله .. حتى في البحر ؟؟ ^_^ مايخلون مايخلون

عان ديد ديد ... روووووح حد الدوسه

وتطالع على يمينك والا هالحلوين اللي يلعبون لعبة شد الحبل

انا مو باط جبدي الا منظم اللعبه اللي ماسك المايك لوووووووووووووول

بالله شلون تبيهم يشدون الحبل وانت قاعد عليه ؟؟؟

وعقب هاللويه والفراره وعقب ماتهفك الشمس عدل عاد رد شاليهك وارتاح خو بسك فراره عاد

هذي كانت رحلتنا البسيطه الجميله الخفيفه في منتجع كمبينسكي ... ان شاءالله تكونون استمتعتوا ويانا ونشوفكم ان شاءالله في رحلات قادمه

تصوير وتعليق أخوكم HaMaD

العوده للصفحه الرئيسيه