11-4-2008

السلام عليكم ورحمة الله وبركاته

سلمكم الله في يوم الجمعه اللي يعني تاريخ 11-4-2008 وتقريبا الساعه 5.45 مساءا واحنا قاعدين في امان الله جان نسمع طاراباراراباااخ اظلمت الدنيا شوي والا ابردي ... لا مطر ... لا اعتفست الديره ... شوي والا شير يمشي .. حبال تطير .. قراطيس .. حصا .. والا عاصفه هوجاء هبت على الكويت وكانت مدة هذه العاصفه تقريبا نص ساعه ... شرايكم نشوف بعض اللي صار جراء هذه العاصفه اللي هبت على الكويت

في البداية طلعت على شارع البحر من صوب السالميه حيث ديوانية الشقيق العامره القريبه من خط البحر ... واذا بي وأنا اهم في الطلوع على شارع البحر والا بويهي هاللوحه اللي تودي على البحر

وبالقرب منها الجامعه الأمريكيه ... فخنشوف شصاير بالديره ابتداءا من الجامعه الأمريكيه

وطلعت عالبحر والظلام الدامس والا ايضا شجره مقلوعه من عرجها اللهم لك الحمد والشكر على كل حال

شجره ثانيه مشلوعه من عرجها بعد

 

نخل مسدح بالشارع

يالله سترك الحمدالله ماطاحت بوسط الشارع جان صارت حوادث لايحمد عقباها اللهم لك الحمد

 

 

الحين انروح وانشوف الثلج اللي طق علينا اهو مو ثلج ابردي بس يالله خل نستانس ونقول ثلج

ياعيني لما تختلط الخضره بالماء والوجه الحسن

وصار لعب بالثلج وتمردق ماله أول ولا تالي

هيا بنا نلعب

ذكروني بايام الشتي لما كانت تتلج بلبنان واحنا كنا زغار عم نلعب بالتلج   بزززززززززززززز

يا دلي شو هالتلج اللي عم ينزل <=== داش بالغلط هالفرعوني .. الحجي لبناني شكو هالحبيب داش بالسالفه ؟؟

الله يغربل بليسكم ماتجذبون خبر من يطق شوية مطر تطيحون له استعراض وتقحص هالدور ابردي ؟؟ شنو يصير

اتصير قتله وجرحى هههههههههه

مبينه خطوط  التواير بين الثلج هههههههه

الله يديمها خير ونعمه على كويتنا يارب اللهم اجعلها صيبا نافعا يارب العالمين

هم حاطين علامات ممنوع الاقتراب ومادري شنو وهم يقربون الشباب ^_^

يالله نكمل ونشوف

 

مظلات مهدمه

 

كراسي المطعم وصلت لي الشارع الرئيسي هههههههههههههه من شدة الهوى

وبجذي خلص اليوم الليلي تعالوا الحين نشوف جولة صباحيه على شارع البحر ايضا يعني ثاني يوم الصبح يمكن نشوف شي ماشفناه امس

نادي ايليزيوم الصحي ... ومظلاته اللي طاحت على السيارات

الاعلانات بعد طاحت

ملعب جمعية المهندسين لكرة القدم تهدم ويعطيهم العافيه من صباح الله خير قاعدين يسوونه عشان يرجعونه مثل ماكان

صوره قريبه لملعب جمعية المهندسين

عاد في هاليوم يقولك قام سوق الرافعات ... اشتغلوا شغل مو طبيعي يالله عليهم بالعافيه الله يرزقهم

بس مالكم شغل بالعامود اللي بالنص هذا اللي طلع معاي يالله لحقت عليه وصورته

عامود اناره طايح بوسط الشارع وبعدين وخروه

 

الشجر صاف بالدور من عقب التشلع

قصر الرعب هههههههههههه هذا مال الكهرباء اظن او شي جذي اللي عالبحر قبل سوق شرق مادري شنو طاح من فوقه هبد على الأرض ويشاهد ايضا راس النخله طاير

 

شبّه طايحه

والحين خل نعرج على احد الشوارع الرئيسيه في الكويت الا وهو شارع الحب ...

ياحب من وين ابتدي ... وانت معي من مولدي ... عيت يدي على وداعك تهتدي

ماظل فيها لاحب ولا بطيخ يبا محد له خلق شي

عاشوا بابو وربعه يعطيهم العافيه والله

هذا بو شماغ احمر اللي حاطه على ظهره شكله قاعد يشيشهم عشان مايشتغلون

اوله شدعوه اربعه على شجره طايحه ؟؟ شيبيلها بعد ياتنتن ياتنتن

صار شارع السكراب مو الحب

وسامحوني على القصور طبعا توجد صور كثيره بس للأسف غير قابله للنشر

تصويري وتعليقي واشوفكم على خير ان شاءالله

والحين نشوف بعض الفيديوات عاليوتيوب

هني بداية نزول البردي

وهذا شارع سوق شرق

غرقة سوق شرق

الماي داخل مركز سلطان

من داخل سوق شرق

وكل الشكر للأخوان والأخوات اللي صوروا الحدث بالفيديو وعسى الله يحفظ الكويت واهلها من كل شر يارب

العوده للصفحه الرئيسيه