انطلق مهرجان هلا فبراير لهذا العام 2011 في الـ 28 من يناير من شارع سالم المبارك في منطقة السالميه حيث صادف افتتاح المهرجان السنه الخامسه لتولي صاحب السمو أمير البلاد الشيخ صباح الأحمد الجابر الصباح مقاليد الحكم ويستمر المهرجان لغاية 24 فبراير 2011 قبل الاحتفال بالعيد الوطني الـ 50 وعيد التحرير الـ 20 لدولتنا الحبيبه الكويت ادام الله عزها وحفظها من كل مكروه .. اترككم الان مع بعض الصور من حفل افتتاح المهرجان
بداية المهرجان بخيالة وزارة الداخليه
مع بعض المشاركين
الحين اي وحده بتمسك فيهم ؟؟
لازم وجود حمزه والهبان 
جمعية المهندسين الكويتيه
مشاركة الاشقاء في دولة الامارات الحبيبه
خلاص يبا اسفين مايسوون شي .. والله عاد بعض الشباب يبيلهم جذي اللي يتحرشون
دام الأمل موجود
شنبك يالطيب
بدك تيجي حارتنا
شفيك زعلان ؟؟
شعبولا فصل على الفرقه اليمنيه 
في شغله ودي اتكلم عنها بخصوص تنظيم المهرجان ياجماعه يبيله شوية تنظيم بخصوص اللي يدخلون بكاميرات الفيديو بوسط العرض ويخرب العرض بكبره تلاقي الفرقه يعرضون والحبايب مصورين الفيديو داشين بالنص ياجماعه في كرين يشيل الكاميرات من غير اوادم ليش ما يستخدمونها ؟؟ وليش مايكون التصوير التلفزيوني يكون فقط لجهه وحده مثلا تلفزيون الكويت والقنوات الثانيه يصورون وياخذون لقاءاتهم من على الستيجات المخصصه لهم لحد يدش بالنص ويخرب الشكل العام للعرض حتى مصورين الفوتوغراف بعد في بعضهم الله يهديهم يدش باخلاق اخلاق العرض ويقعد يصور حطولهم اماكن مخصصه عشان الكل يقدر يصور وياخذ راحته .. اما بالنسبه للجمهور ياليت يسوون لهم مدرجات صغيره على جانبي الطريق عشان الكل يشوف العرض ويطالعون بكل راحه من غير ماتصير لويه واصلا ليش بشارع سالم المبارك ؟؟ حطوه على البحر ماشاءالله مكان وسيع وتاخذون راحتكم يالجنه منظمه بوضع المدرجات على جانبي الطريق ومشاهدة العرض … وايضا بخصوص بعض المنظمين اللي يمشون جدام الفرق اللي تعرض ياجماعه خلوا واحد فقط مع الفرقه الوحده مو 10 ماشاءالله مع كل فرقه ويمكن اكثر
شوفوا هالحبيب داش بنص الفرقه وقاعد يصور .. والأخ الثاني مادري شنو وضعه من الاعراب
الحبيب الثاني اللي يلحق العرض
الأخت الله يهديها كاشته بالكل وقاعده تدش بويوه العارضين واللي الكل استاء منها واهيه تخرب عليهم 
احترام المهنه ظروري يا اختي الفاضله في ناس غيرج قاعدين يصورون لازم تحطين لهم اعتبار وغيرج ايضا بيشوف العرض وبيصور من الحضور فلازم الواحد يكون رقيب نفسه
والان عرض للمطافي الله يعطيهم العافيه
والحين مع بعض الحضور اللي كانوا متواجدين بالافتتاح
حلوه الصوره لاتحاتي يالحبيب
في عيون البشر
المذيعه حنان جابر .. ماكو فايده الكاميرات وراج وراج
اي انا
عسى الله يحفظكم ويخليكم يا اهل الكويت
والحين مع بعض الاطفال الحاضرين للمهرجان عسى الله يحفظهم ويخليهم حق اهلهم قولوا آمين
في زحمة الناس صعبه حالتي
نوم العوافي ان شاءالله
قولوا لا اله الا الله عليهم كلهم ربي يحفظهم ان شاءالله
وحش العنكبوت
العوده للصفحه الرئيسيه