السلام عليكم ورحمة الله وبركاته

تزينت الكويت بالاعلام ومظاهر الاحتفالات والفرح والبهجه على وجوه ومحيا الجميع ولله الحمد ^_^ بمناسبة حلول شهر الاعياد الوطنيه على حبيبتنا الغاليه الكويت

حيث نبدأ مشوار احتفالات الكويت هالسنه مع كرنفال هلا فبراير اللي اقيم يوم السبت الموافق 31/1/2009 في شارع سالم المبارك بمنطقة السالميه

الناس والجهات المشاركه في الكرنفال تستعد لبدأ الاحتفال

وانطلق الاحتفال بسم الله نبدي

طرباخ

ها بلشتوا فوووم على ويه الريال ؟؟

انفخ انفخ يايبا محد ماخذ منها شي

اوكي اوكي مممم خوش لعبه الصراحه ... استفدنا وايد من الموضوع

عاشوا اخوانا اللبنانيين ... ماشاءالله عليهم ضغط لأنهم خوش فرقه

حلاتج وانت تفرفرين بهالكره اللي معاج تحوشج على الويه ... نبي شغلبات ودحرجات مانبي تفرفر كور وعصي

خل نروح حق بلاع الـ Gaz ونشوف شعنده هالطيب

شقاعد يسوي يتفل هذا والا شنو ؟؟

اعنبوا دار بليسه مايدوخ من هالبانزين والجاز اللي يشربه ؟؟ انا اللي جدامه من الريحه انسطلت هذا 24 ساعه مع هالبانزين ماشبع ؟؟

الساحر ياي الساحر يااااااي

افا هذي اخرتها ؟؟ شكله مايدور عنده موس الحلاقه ..... شيل آباطك في هالنار وامش

ياعمري يالفرق والشامه اللي على الوجن

ناموا أكثر

وهذا منو امبكّس فيه امطيّر خشمه

وليش متلطم خو لاغبار يومها ولاهم يحزنون

امتكّي الحبيب بيريح شوي من التعب

عاشوا زملاء المهنه

شالفرق بين الصورتين

اقصد الفرق بالكاميرات

يالله نصعد فوق ونلقي نظره طفيفه على المهرجان

يقولون كلش مو زحمه

خو لبسوها نعل سنعه شوي

احسن طريقه عشان عيالكم مايضيعون في الزحمه ... ربطوهم وتمشوا فيهم

وجووووه من الكرنفال

اول شي قولوا ماشاءالله وبعدين توكلوا على الله

زين عالم جميل

المهرجان في عيون اطفال المستقبل

لايطنقر ماتسوى الدنيا ... اسم الله عليه

لاتعليق

يازين العلم عساه دوم يبرق في وجوه الكل

نشوف احدى الهوايات المشاركه بالكرنفال ... وهي السيارات المعدله

 

 

هيلو كيتي

عاش حمزه

اهلين وعليكم السلام

روح روح سرى ليلك

عاشوا بو يمن

يحليل واحد من الربع طالع بالصوره جنه ماله شغل بالسالفه

اها هااااااااااااا آآآآآآه آآآآآه آآآآآآآه نيكلونا بينوكاب زمانا خرابهي

اي والله زمانا خرابهي صدقت صدقت يابابو

عطوها ضغطه هني وسمعوا 

وليـــــه لاينام

اي صاحي غلام لاينام

الله يعين البنغاليه اللي بينظفون الشارع عقب هاللويه

وان شاءالله دوم تظل اعلامنا مرفوعه

وانتظرونا في كرنفال سوق شرق في القريب العاجل جدا

محدثكم من قلب الحدث دندرن