السلام عليكم ورحمة الله وبركاته

سلمكم الله اليوم عندنا افتتاح مهرجان هلا فبراير لعام 2007 من شارع سالم المبارك بمنطقة السالميه العالمية

فشرايكم نشوف بعض من فعاليات هذا الافتتاح ... طبعا في البداية بنشوف هذه العروض مع احدى الفرق السيركيه الروسيه ...

ونستفتح في هالشاب اللطيف اللي شايل الحيّه ويفتر فيها ... سبحان الله قوي الحبيب يعني مو هامه كلش

بنت اللذين شكبر بطنها ياعل بطنها الشق .. شوفوا شلون يطالعها والله شكله متصرقع بس مستحمل ويقول يالله انك اتعدي هاليوم على خير

عاد روسي ويقول جذي ؟؟ قويه جنها بس مايندرى يمكن ليش لأ ^_^

تعالوا انشوف الحين الشاب اللطيف الثاني

هذا يسمونه لاعب الكور ... بس مادري شفيه امتـنـّح بو الشباب اتهقون الكره تدش بحلجه ؟؟

وهذا اميمعله جم عجره ويفرفر فيهم

يخلق من الشبه 40 ^_^ يصيرلج اللي شايلته ؟؟ والا لاقيته بالشارع ؟؟

الحين خلونا نشوف لاعبة اللي تطامر على العصا وتسوي دحرجات وشغلبات أماميه وخلفية

هني في بداية الوقوف على العصايه العوده ورافعه ايديها عشان تتشغلب

بدت بالقفز الخفيف ^_^

شغلبه خلفيه ... ويالله خلنا نروح يالله يالله خلنا نطير يالله يالله خلنا نروح يم نجمه وقمر ترم ترم

وجبسه أماميه على الويه ... ودي اعيش نفس هاللحظه واشوف العالم تحتي شلون صايرين ههههههههه

بنت اللذين شلون سامته جسمها اتقول خط سريع

من فوق السطح الأخوان يصورون ^_^

ها عسى ماشر يبا ؟؟ ليش هالحماس الزايد ؟؟ خو ماله داعي ترفعين ايدينج حيل عشان لاتتشقق هدومج :)

خل نشوف الحين هذا اللي يسمونه غجـّاج السجاجين يعني يغج السجّين في هالصندوق اللي فيه صماخ رفيجه .. ولو انه السالفه مو داشه مخي من الأساس بس يالله خنشوف

هني يحطون صماخ الريّال في صندوق

هني بداية دخول السكاكين في الصندوووق

هووووب ويدخل السجاجين في الصندوق ^_^ اهم شي هوووب ذكرني بواحد مصري الله يغربل بليسه هههههههه

انزين وين راس الريال ؟؟ والله شكلهم لاقين براس الاوادم دهن يقصون عليهم

يحليلهم كل وحده فيهم ومعاها رفيجها ^_^ اللي وياها جلب عزكم الله واللي معاها حيّه ( ثعبان ) اهم شي ثعبان

الحين نشوف بعض الفرق المشاركه ...

الفرقه المصريه وهالشاب ... ماسك الطبليه مادري شنو اسمها اعتقد جذي اسمها طبليه ويفرفر فيها

دئوا الشماسي دئوا الشماسي

مستانسه بعصاقيلج ياسحيله ؟؟

يالحبيب شوي شوي يبا ترى مو صجيه دميه دميه شكو لاحقها؟؟ ^_^

لا واهيه يعني مستحيه حلايا القوملق اللي لابسته

هذا كان افتتاح هلا فبراير اخليكم الحين واشوفكم ان شاءالله في افتتاحات غيرها ان شاءالله