افتتح مهرجان هلا فبراير يوم الأحد الموافق 23/1/2005 فكان الاحتفال جميلا حيث اتسم بالهدوء والسكينه والفراره من غير لويه وكانت لعدسة اخوكم دندرن هذه اللقطات اللي ان شاءالله تعجبكم
نتوكل على الله ونبدأ الرحله
هني بداية الشارع وبداية الاحتفال لحظة دخول شارع سالم المبارك من صوب فندق سالميه بالاس
وبدينا انقرب شوي شوي من الاحتفال ونتغلغص في العمق … بداية خلونا نشوف بعض الشخصيات الكارتونيه من الاحتفال
ابله عطياااات … شانهو شانهو ؟؟ منهو منهو ؟؟؟ هاازا مازين والله … يحليلكم والله يابعد شبدي كلكم ياكويتيين انا احبكم موت وايد وايد … الله لايحرمني منكم ومن سوالفكم الزينه والله ههههههه جنه بعد اكو خليجيين وعرب هم بعد احبكم موت
سلوم القدساوي هىهىهىهى ابو صوت ماينعرف اشقاعد يقول
هلا والله الجيتي وينها ياولد انا ابو هلال جاي احتفل وياكم
هههه بو هلال ذبحت الياهل اللي شايله يامعود ^_^
الحين خلصنا من بعض الشخصيات الكارتونيه خلونا نشوف بعض العروض اللي قدموها في المهرجان
هني هذي الدزّه الكويتيه القديمه … لما يصير عرس في السابق ويبون يودون المره بيت ريلها زوجها عاد يشيلون قشها واغراضها امسيجينه ومشي من فريج لي فريج لييييين مايوصلون بيت الزوج … طبعا ماتوصل الا متروسه تراب من المشي خو خبركم قبل ماكو لاارصفه ولاقار ولااسفلت كلش ملش ماكو الا تراب بتراب فتلاقي الوحده توصل بيت الزوج طن تراب ورمل بهدومها ^_^
رقصة العرضه … طبعا نشوف رقصة العرضه واللي قدمتها احدى الفرق الشعبيه
بس تكفى البنغالي اشعرفه برقصة العرضه ؟؟ هههههههه مسكين مع الخيل ياالشقرا
رقصه جديده على انغام العرضه ولكن من نوع آخر 🙂
عرض السيرك الروسي وهني هالطيبه هذي في بداية الصعود على ظهر الشاب اللطيف اللي شايلها لتقديم العرض
عرض لأطول رجل في المهرجان ^_^
الحين تعالوا نشوف هالاثنين هذيل واللي يلعبون بالنار طبعا اول شي يصبون بانزين بحلوجهم وبعدين يقربون النار من حلوجهم وينفخون وبعدين يطلع نار وايد
هني قاعدين يطالعون الاوادم يعني ترى احنا انعرف وماانخاف ها ؟؟ 😉
هني لما يبي ينفخ
هني عقب النفخه ههههههههههههه ماقول الا مالت بس طيح الله حظكم ومسوين روحكم اسكت واخرتها بغيتوا اتموتون هىهىهىهىهى
آي بلعومي مادري شنو حاطين لي مع البانزين 😛
الحين تعالوا نشوف الفرقه المصريه … واتطلع عالحلاوه حلاوه في بلدي ونقاوه نقاوه
طبعا الفرق المصريه مشهوره برقصة الحصان واللي دايم يواكب هذه الفرق في العروض 🙂
فتعالوا الحين انشوف الحصان مال اخواننا المصريين في العرض ^_^
خوش حصان مو ؟؟؟ بس عجيب الجينز اللي لابسه
فرقة النوبه … تنوما ادولما تادولما هوه ني داووني ناموني هووه نيييي مادري شقاعد يقولون بس مادري اهمه يقولون جذي فرقة ميامي ^_^
عرض للصناقل الموجودين بالمهرجان ^_^
هذي موجنها عربانة سندريلا؟؟ بس شفيهم صاروا وايد سندريلات وايدات
صورة الشيخ جابر الأحمد الصباح أمير دولتنا الغالي
على راسي والله يابومبارك عسى ربي يطول بعمرك ويخليك ذخر لنا ويحفظك من كل شر ويحفظ اهل الكويت كلهم والمقيمين في هالديره الغاليه الحبيبه
أطول علم في العالم واللي دش موسوعة غينيس علم الكويت تم حمله والمشي فيه على طول شارع سالم المبارك
صوره لعلم الكويت محمولا من المواطنين والمقيمين
لقطه اخرى للعلم من زاويه ثانيه ^_^
الحين تعالوا نشوف بعض المسارح اللي كانت موجوده بالمهرجان
مسرح المفروض يكون للأطفال مادري شمدخل هالشاب اللطيف بينهم الحين يخرع اليهال الله يهديه بس 🙁
ام تي سيييييي فودافون هذا بوكشه قااعد طول المهرجان ويحذف على الاوادم باجات وكبابيس … طايح تفّلع في الاوادم
آآآآآآآآآآي يمه نزلووووووووووني
وهالياهل امعلقينه في هاللعبه ويصعدون فيه وينزلونه طيحوّا حظه امسيجين طلعوا زبدته كلها شكله نزل عشره كيلو بعد مانزل
مسكين شوفوا بس من وين امربطينه ماسوت عليه كلش 🙂
الحين خلونا نروح نشوف مسرح عرض الحيوانات كرمكم الله
الدجاج وماهو الدجاج؟؟ هو نوع من انواع الطيور اللي يبيض وينوكل بعد شنو يبيلها شي بعد هذي ؟؟
هذول مادري شنو الصراحه اهمه افريخات بس ملوت منو ماادري ^_^
وهذا تمساح مادري شنو الحكمه من انه اييبوونه المهرجان … حق التخرع يعني ؟؟؟ ههههههه لاوحاطين له ماي بعد محترمينه
الحين تعالوا نشوف عرض أقوى رجل في المهرجان والمدعو ابو دماغ يعني ابو صماخ
اشفيكم لاتستغربون اهوه فعلا اسمه جذي يطق الصخر والطابوق براسه يكسره انا شكو ؟؟ فسميته ابو دماغ 🙂
ابو دماغ يحيي الجمهور الكريم اللي توافد عليه لمشاهدته وهو يكسر بيض …. اوووه لالالا غلط غلط قصدي يكسر صخر
ابو دماغ يحط ايده على الصخر عشان يسخن شوي شوي … خو يبي يكسر الريّال مشتط ابن الحلال 🙂
جان يهوّس على الطابوق … جان ينكسر نصين … ياسلااااااااااام انصفق له ؟؟ يالله جكجكجكجكجكجكجكجك
يستاهل يستاهل
والله انا شاك بالطابوق اللي حاطينه الصراحه مادري شكله يقول جنه فليّن (H)
هوب هوب هذا شنو بعد ؟؟؟ لالالالا ترى موصج لعبه هذي … ماشاءالله على تايرين ؟؟؟ حشا صارت بانشي مو سياره
الحين عاد تعالوا انشوف شوية نوعيات من الشباب الموجود في المهرجان واهمه قلّه قليله ترى … طبعا احنا نقول بعض هالشباب الله يهديهم عليهم قصّات شعور عجيبه غريبه الصراحه طبعا هذي حريه شخصيه لهم لكن … ياحسافه على الذوق العام راح فيها مسكين فخلونا انشوف أول نوعيه من القصات واهيه قصة السبايكي اعتقد اسمها جذي
قصّة السبايكي
طبعا راح تشوفون مميزاتها وعيوبها مكتوبه على الصوره
انشوف الحين قصّة العرفجه وهي نوع من انواع النباتات الصحراويه موجوده طول السنه بالبر لكن بالصيف يصير لونها اصفر او ادعم من قلة الماي وبالشتا يصير لونها شوي اخضر يعني ردّت فيها الروح
وانشوف هالقصّه اللي اسمها العرفجه على راس هالشاب اللطيف
مادري يعني ماكو مشط عندك اتمشط شعرك فيه … والا اخاف بس مايستحمل المشط مسكين ؟؟
والا يمكن احد امخرعه ووقف شعره … ياخي تكفى شنو الحلو في هالقصّه ؟؟ بس يالله ولله في خلقه شئون
تعالوا الحين انشوف هاللقطه وانطلع الفرق بين الصوره الموجوده على ظهر البلوزه وصاحب البلوزه … ها عرفتوا شنو الفرق بينهم والا نروح نسأل بو راشد ؟؟؟ انا أقول ماكو فرق اللي بالصوره عصل وصاحب البلوزه بوتمبه الله يعطيه الصحه والعافيه ان شاءالله
تعالوا الحين انشوف شوية مصورين من الاعلام ههههههههههههههههههه
عاد هذيل بروحهم فلم … مساكين مرات اتقول يكسرون الخاطر ومرات اتقول لاوالله شاقين القاع وقايلين امبااع
طبعا بعضهم نرجع ونقول بعضهم مو كلهم بعضهم من يشوف وحده طل بويهه ها اصورج ؟؟ :p
وتلاقي الصبيان والشباب يحوسون جدامه رايحين ورادين رايحين ورادين واهوه ولاجنه يشوفوهم حشا اشباح اللي مارين جدامه مو اوادم
انزين ليش يعني بس البنات ؟ 😉
والا يشوفون العايله اللي معاهم يهال … ها انصور عيالكم ؟؟ 😛 انزين بس اليهال يعني بتصور يابو الشباب ؟ 😉
علينا يبا علينا يالله مو مشكله هم للعائلات فقط 😛 خو مايبون صبيا ملوا واهمه يشوفون صبيان بيغيرون شوي ^_^
انروح وانشوف هالمصور المسكين اللي فوق السطح قاطينه … ونشوف شعنده ماعنده
في بداية الأمر كان شحليله بعدين مادري شصار فيه مسكين 🙂
هذي كانت رحلتنا لمهرجان افتتاح هلا فبراير 2005
انخليكم الحين مع الالعاب الناريه واللي كانت ختام مهرجان الافتتاح وان شاءالله تستمتعون فيها ونشوفكم في مواضيع أخرى ان شاءالله وتحياتي للكل أخوكم دندرن HaMaD
تصوير وتعليق دندرن HaMaD