4-6-2010

السلام عليكم ورحمة الله وبركاته

عندما يحدث اي أمر طارئ وتتعطل الاعمال الظروريه ماذا تفعل ؟؟

جذي ياسبحان الله تكون في يوم مخطط على شغله معينه ويصيرلك اي ظرف مو عالبال شتسوي ؟؟

قزرها باي شي يكون عندك وجدامك ... مثلا في يوم من الايام بتروح دوامك والا تصادفك ذيج المطره اللي تحوسك حوس وبما ان الكاميرا حفظها الله من كل سوء موجوده فقلت خل استغل هالظرف الطارئ واقعد اجكجك واصور

وطق يامطر طق

بداية نزول المطر ... يالله انك تجعله خير علينا وعلى جميع المسلمين يارب

لا عتمه صارت .. وانا من عمر واعاني من مساحة السياره ... اي بدلها وفكنا ... عاد والله ياكثرهم لما تروح تبدل تواير والا تبدل سفايف السياره يحوسون فوق راسك ها بابا يبي يبدل مساحه مال سياره ؟

وانا اعاند واقول لآ بعدين بعدين ... لين اتوهق بالمطر

هوشة ليتات

والحبايب هذيل يشتغلون بعز المطر والدنيا عتمه .. عاد لا اييك واحد مفهّي بالمطر ومايثبت الطريج .. وقتها لاعلامات بتفيدكم ولا لوحات ارشاديه .. لاتلومونه مفهّي

تعريف المفهي .. هو انسان يمشي ماله ولا عليه ماتهمه الدنيا طاق الناس بالطوفه مو عشان اهو مو مهتم لأ لأنه مو قاعد يستوعب شقاعد يصير

والا اييلكم واحد دايرها يماني خالد الملا والا عدني بالسياره ومندمج حده ويطشر الاولي والتالي ولما تساله ها يالحبيب علامك عسى ماشر شفيك

يقولك لا عادي ماكو شي بس مستانس حبتين ولد عمي ويقولك هاك الرقم اذا محتاج تصليح والا شي دقوا علي

اللي يبي يسمع للملا يدش هني واللي مايبي يكمل الطريج

اهداء دقيقه 6.30

ونكمل طريجنا

واخذ تطشر ماي من اللي جدامك مايراعون شعور اللي ماعندهم مساحات مثل الاوادم

حق التشهي زاهبين ياماكدونالدز ها ؟؟ ابي تويستر

تظل شامخه

يمارس هواية المشي في هالجو الحلو ... خوش شي يبيله الصراحه

ولكن لا احد يرافقني فانا اشعر بالوحده في هذا الجو اللطيف ياعمي استريح زين

عن ماذا تبحث .. اوجدت ظالتك ؟؟

بحر الشوق لطامي

الديره مضببه

الخضره والماء وباقي الوجه الحسن

سكه طويله ... يبيلها لياقه بس ديروا بالكم عن الزلق ولا تتكرفسون في البحر

الى أين ؟؟؟؟؟

هذا هو السؤال .....

فلنبحر جميعا الى حيث ماندري

والا اقولكم ... خل نروح حق شخص عزيز يدرس في امريكا ... يحضر دكتوراه مادري بشنو بس الله يوفقه ان شاءالله ويرجع لنا دكتور أد الدنيا

هالشخص رايح بعثه الحبيب وقاعد بروحه انزين روح اقعد مع احد هناك قزرها شي مني مناك يقول لا ماحب احب اقعد بروحي ... وعنده سياره على قد حاله ومقزرها فراره في ولايات امريكا المتنوعه

والولايه اللي قاعد فيها ابد ماتحوشها ثلوج كلش ولاهم يحزنون واموره سهاله بالدراسه مايتاخر ولاشي عن المحاضرات كلش ابد ابد بس مرات يحوشه طشار من الثلج يطشر مخه

وفي احد المرات وتوه طالع من بيتهم في امريكا وكله نشاط وحيويه لبداية يوم دراسي جميل والا الدنيا مثلجه عندهم

حق التربع هني بوسط هالثلج ودوّه وتشب نارك وشوي

لا زين اشوه خفيف خفيف هالمره الثلج

وفجأه وتطيح عينك على سيارتك والا شفيها ؟؟

سيارة صاحبنا اطبع يالحبيب

يبيلك ساعتين على ماتسخن السياره حطلك شوايه تحت السياره عشان تسخن السياره

شتمسح شتخلي من السياره يالحبيب ... تبي شبل تشيل الثلج ؟؟

في هالحاله شتسوون ؟؟ تردون تكملون نومتكم والا تعملون المستحيل عشان تروحون حق دراستكم ؟؟

انا اقول اجرلك سياره وروح محاضرتك وخل سيارتك تولي قاعده عند البيت ... يمكن لما ترد من الكليه يكون الثلج راح منها ... وعقبال مانفرح فيك راد بالشهاده واصورك بالمطار

يالله سلامون عليكم واشوفكم على خير فيما بعدين .. فمان الله

العوده للصفحه الرئيسيه