السلام عليكم ورحمة الله وبركاته

انتشرت المعارض الشبابيه اللي تصير عندنا في الكويت ماشاءالله الله يزيد ويبارك يقومون فيها الشباب والشابات بعرض منتجاتهم والشغلات اللي يسوونها واللي اييبونها والصور اللي يصورونها ويعرضونها في معارض تقام في صالات في فنادق او غيرها من دور العرض المنتشره عندنا ... فمن منطلق حرصنا ككويتيين لدعم ومساندة بعض اليوم بنشوف جم تغطيه لجم معرض صاروا في السنه الماضيه واللي ان شاءالله تحوز على رضاكم ونشوف شوية منتجات وان شاءالله تزيد المعارض واللي يروحون حق هالمعارض عاد خل يشترون مو بس يطالعون خو دعم دعم لأبناء وبنات ديرتكم  .. ميزة هالمعارض انه تقريبا كل مايخطر على بالك تلاقيه هناك طبعا اتكلم عن الشغلات المسموح فيها للجنسين الشباب والشابات

معرض كويتي وافتخر ... من اشهر المعارض اللي تصير كل سنه ماشاءالله اقبال مو طبيعي الله يوفق القائمين عليه واللي يشاركون فيه سمعت انه هالسنه راح يكون بأرض المعارض لأنه معرض السنه اللي طافت من كثر المشاركين اللي فيه ما كفتهم قاعة فندق الرايه

لوحه كانت في مدخل معرض كويتي وافتخر فعلا فيكم نفتخر جميعا ... عسى الله يوفقكم وتنالون اللي تبونه ان شاءالله

نشوف شوية معروضات

 

 

ترى هذي جنطه حق البنات على برج ايفيل

حبيته مادري ليش يمكن يذكرني بطفولتي

ديكور احد الاستوديوهات مو اثاث صجي

ياسلام فناتق الشباب

تي شيرتات داخل علب بلاستيك

ياسلام ذكرني بخوش بسكوت كليته

 

على علم الكويت الغالي

مو ناقصين ترى بروحنا يواعه عاد يقولك من مميزات هالمعارض انه فناتق الاكل والحلو كلها تطلع والله يطلع منهم شبابنا وشاباتنا تبارك الرحمن

اللي يبي يتاكد يروح ويجرب والله شغل عدل لاتحاتون ترى مو بطه ادور الاكل بس ياجماعه الحلو اللي هناك يغري ويساعد على الاكل يعت من صج

يالله يابنات طبوا وتخيروا

احد الممرات المزدحمه بالناس في معرض كويتي وافتخر

بكل مكان ياعمري انت

حداقه من نوع آخر

جكجكه عالطاير الله يعينكم عالصبغ اللي بويوهكم

طارت الطياره اضغطني ايام يامحمد لويس

وفي اليوم الأخير كان في اوبريت صغير جميل بحضور الشيخ أحمد الفهد الصباح

وان شاءالله هالسنه نشوف معرض ايضا قوي مثل اللي قبله ومتأكدين ان شاءالله من هالشي

نروح حق احد المعارض الأخرى

كتابه من هالشاب اللطيف على الملابس

استكانات ومباخر

 

مادري شداخل هالبيض

يبيلك شويه تدقيق املائي يالحبيب

حصيلة اليوم النص بالنص عاد

ونروح لأحد المعارض اللي صارت بفندق الموفنبيك

المقصد اهو حرية الراي والتعبير مو الحريه اللي في بالكم عشان لحد يفهمهم غلط بس

موفقين ياشباب

شباصات

شنو مشروع مشنقه الله يهديكم ؟؟

 

شي جميل الصراحه

معرس بالكوشه عقبال اللي ماتزوج

حلو خوش تيجان حق اليهال اللي تيوع والا تبي حلاو تشلع من راسها وتحلي

 

وليش ماكو القادسيه

فراشات من ورق ملون

خوش موتر ... كورفيت قديم

 

احد اصغر المشاركين بالمعرض عسى الله يحفظه ويخليه لأهله يارب

قولوا لا اله الا الله

ونشوفكم ان شاءالله في المعارض القادمه اذا الله اراد

وفمان الله

العوده للصفحه الرئيسيه