السلام عليكم ورحمة الله وبركاته

شلونكم شاخباركم ... بقولكم سالفه ومادري عاد شلون صايره

سلمكم الله من فتره ليست بالبعيده جدا .. دخلت في تجارة الشباصات وصرت مثل مايقولون تاجر شباصات وربحت في احدى الصفقات ... همجه زينه الحمدالله تعدت قيمتها النصف مليون دينار ( اي خير ان شاء الله ) المهم عاد تدرون في سيارتي القديمه اللي اختربت مشاشتها وانكسرت جامتها جراء الأمطار الغزيره اللي هطلت على الكويت من جم سنه .. وبما انه من جم يوم صار عندنا معرض للسيارات بالكويت قررت اشتري سياره يديده .. فتعالوا وخلونا انشوف شنو السياره اللي شريتها من المعرض .. طبعا راح استعرض لكم اغلب السيارات اللي كانت معروضه لأني ماراح اقدر احط كل السيارات لأنها ماشاءالله سيارات عديده معدوده تعدت عدتها العداد فراح اوريكم بعض انواع السيارات اللي طاحت عليها عيني واوريكم بالأخير شنو قررت اشتري ... طبعا الصور وايد ... والله يعين اللي اشتراكهم مو

 DSL

 راح يعانون شوي من تحميل الصور فميخالف تحملوني هالمره خوووش ؟ كله يهون في سبيل الموتر اللي قررت اشتريه الصراحه يستاهل ^_^

يالله نتوكل على الله

 

 بسم الله هذا شنو ؟؟ داش حديقة ورود والا معرض سيارات ؟؟

لالالا هذا ديكور الظاهر لزوم الزينه والزينات يعني ترى يطلع زرع في كل الأماكن

نشوف اول سياره ...

ها شرايكم تستاهل العنوه والا نشوف غيرها ؟؟

 

 هذي يمها على طول اي وحده أحلى ؟؟

تدرون شلون لانستعيل خلونا نشوف غيرهم

 

 أحمر مايغرز يويل حالي

 الصج الصج خوش لون

خلصنا من البورش نشوف غير البورش مانبي نستعيل تو الناس ياجماعه تو الناس

 

وهذا الطوارق ... مو طارق واحد لأ وايد

 الله يذكر ايام الثمانينات يالجمس

 متسوبيشي اي نوع مادري المهم اهيه جدامكم

ماشاءالله تبارك الرحمن وايد بايس الأرض حيل نازل يامعود

خلونا نطل من تحت ونشوف شلون صاير

 

ماشاءالله نفق نفق تحت الأرض ... هذا بعد السياره الصغيره اللي بتحذف بتوين ماله داعي اتحذف تدش من تحته وتطلع الصوب الثاني عادي خو ماكو مشاكل 

 

اشفيهم السيارات صاروا من هالطقه لي هالدرجه شوارعنا اتكسر السيارات الواطيه ؟؟

وهذا من فصيلة اللي قبله النوع الرفيع

ياعيني يالفورد ... على قولة الشياب الله يطول باعمارهم فرت

 

ممممممممم هذي وايد رخيصه الصراحه اول ماشفتها قلت ��لاص هذي اهي بس بعدين قلت تو الناس بعد خل انطر قيمتها قالولي 370 ألف دينار كويتي فقط لاغير ... يابلاش ماكو شي كلش حيل رخيصه تبارك الرحمن .. هذي سلمكم الله مرسيدس أس أل آر ماكلارين

وهذي اهي من زاويه ثانيه

 

 وهذي بعد أس أل آر ... ياعيني على جمالك يالمرسيدس شغل عدل

 

 وزاويه أخرى

 

 وايضا مرسيدس

 هم بعد مرسيدس

 

 ربع المرسيدس

 

 هم مرسيدس ^_^

 

هذا هم رخيص الماي باخ ... 112 ألف بس

مو صج لعبه ترى

 تفتكرون شنو ؟؟؟؟

 

كاهي ^_^

خلونا نشوف الحين بعض السيارات اللي شفتها بالمعرض حياكم

 

 

هذي سلمكم الله هالسياره المعروضه على كلام وكالتها يقولون انه عدادها مشى مليون كيلو .... مممممممم انتوا شرايكم ؟؟

وهذي على حسب كتاب غينيس أكثر السيارات الرياضيه مبيعا في العالم

 هوندا

 

 عوار قلب بعد ... الواحد يمشي ويتحسر ويحتار قبل كل شي مايدري الواحد شنو يختار من هالسيارات الجميله

 طب وتخير

بين الحقيقه والخيال 

-----

عاد وانا افتر بالمعرض لفت انتباهي احدى الزوايا في احدى الصالات من تكّود زوار المعرض على احدى السيارات فقادني الفضول إلى أن أرى ماهذه السياره

واذا بي .. أرى هالموتر اللي انقطع صارله فتره طويله عن الكويت من سنة 90 واهو ممنوع يدش الكويت بس الظاهر يقولون انه الفتره الأخيره سمحوا بدخوله وجنهم بينزلون منه بالكويت الحين شنو هالموتر ؟؟

GT R

يالجيتي يالجيتي رحتي ولاجيتي ... بالضبط ينطبق عليها مقطع الأغنيه اللي ذكرته لما انقطعت من الكويت .. خلونا نشوف الجيتي من عدة زوايا

 

من الأمام والجنب

 

ومن الخلف

 ومن الخلف الجانبي ...

عاد واحد كان واقف يمي سألته قلتله وين رفيجة الجيتي .. ( الزد أكس ) جان يقولي لاوجود للزد بحضرة الجيتي

قلت اقعااااد صح السانك ... قايل قصيده الحبيب ؟؟

 خلونا نكمل ونشوف السياكل شوي

 

هذا المقود يعني السكّان ماله يقولون مطلي ذهب وقيمته 20 الف دينار وتم صناعة 300 حبه منه بالعالم وسرعته القصوى توصل الى 312 كيلو ... ليش مينون شالله حادني ادوس على هالسرعه وعلى سيكل بعد

يامعودين الله يستر على الكل ان شاءالله

 

 اربع اقزوزات ^_^

 

انسيابيه في القياده

 

 ها شرايكم يبيله واحد ؟؟

 يالله نكمل مشوارنا مع السيارات

عينة انفينتي

 

 أودي

 

 ممممممممممم هم زين

 

 

 شدعوه يعني بشتري السياره وامشي فيها بس على الصخر ؟؟

 تعالوا نشوف نوع يديد من السيارات مادري اهو هولندي مادري سويدي بس يقولون فيه خلطه شوي ... يعني سويدي على هولندي على مادري شنو يعني البودي مشنوع في بلد والمكينه والقير في بلد ومادري شنو التركيب في بلد جذي السالفه عرفتوا ؟؟

 هذي جنها بـ 270 الف والله من كثر ماقالولي اسعار بالعالي قمت اخربط بالأسعار فعادي السموحه شوي

 هذي قيمتها 95 الف

 

 هذي جنها بـ 90 الف

خلونا نشوف بعد غيرهم من السيارات

 هذي مو تبع السيارات اللي فوقها ... هذي دبتها جدام ومكينتها ورى مثل الفلوكس جنها عيون بومبو ^_^

جاكوار

 كاديلاك

  

 عجيب الكورفيت

 هذا شنو بعد ؟؟

-----

الحين بعد ماتجولنا في المعرض شرايكم ياجماعه مو الواحد يقع في حيره من أمره على مايختار موتر ؟؟

انتوا شرايكم شنو حبيتوا من المعرض ؟؟ عاد المهم ماطولها عليكم قعدت أفكر وافكر وافكر واحتار دليلي معاي

وافتر وافكر وافتر وافكر والصراحه مادري شنو اخذ

اخذ اللومبرغيني والا الجيتي ؟

آخذ البورش والا الـ أس أل آر ؟

آخذ التويويتا والا المازدا ؟

الجاكوار والا الميزاراتي ؟

والا شنو ياجماعه مايصير جذي ؟؟

عاد وفي خضّم الحيره والتفكير من أمري

جان تطيح عيني على السياره اللي خلااااااااااااص اهيه راح تكون سيارة المستقبل ان شاءالله

سياره ولا في الأحلام

سياره في البحر في الجو في البر

وين ماتقطها تمشي وسعرها فيها الصراحه

يعني مو حسافه الهمجة الفلوس اللي راح اقطها على هالسياره

تدرون شنو اهي ؟؟

تعالوا نشوفها مع بعض وباركولي عليها وذكروا الله لاتحسدونها

قولوا لا اله الا الله

هذي اهي

V

 

ترارارارارااااااا

واشوفكم على خير ان شاءالله

طبعا القصه من وحي الخيال ... لاصرت لاتاجر شباصات ولابطيخ

تصوير وتعليق دندرن  ^_^

فمان الله