دخل الشتاء ودخل معه تغيير المزاج فهناك من يحب السفر إلى الدول ذات البرودة القارصة وهناك من يحب السفر في الصيف لعشقه بالاجواء البحرية وصيد الاسماك والغطس فلنشد الرحال في هذه الرحلة الشتوية إلى اسطنبول وزيارة بعض المناطق الثلجية في بورصة وكارتيبي.

حطت الطائرة في منتصف شهر يناير البارد بمطار اتاتورك في اسطنبول فتوجهت مباشرة إلى الفندق بعد أن أخذ التعب مأخذه مني.


يعني وين بروح ؟؟ اكيد بروح الفندق تعبان تعبان

خذ قسطا من الراحه في هذا اليوم أيها الرجل وارتاح قليلا وتجول في أنحاد وأرجاء اسطنبول الجميلة لكي تبدأ في الصباح الباكر بهمة ونشاط

نعم سأتوجه إلى بورصه لأتزحلق على الجليد .. تراني عليمي لايغركم الطيحه عندي مثل شربة الماي

قد توجهت في السابق بالصيف إلى بورصه بس هالمره قلت بشوفها بالثلج شلون صايره

يعني شلون بتكون ؟؟ أكيد بيضاء ناصعة البياض

هنا تجدون الرحلة السابقة إلى بورصة واوزنجول في الصيف


المراد مانطولها عليكم توجهت في الصباح الباكر الى الميناء الواقع في الجهة الاسيويه من اسطنبول والله يعين على زحمة الجسر بين القارتين

ملاحظة: تقدرون تاخذون عبّارة من الجانب الاوروبي لكن السعر أغلى شوي لكن يوفر عليكم الوقت وزحمة الجسر اللي لاتطاق ، او انكم تروحون للجانب الاسيوي وتاخذون العبّاره من هناك والسعر أرخص شوي .. يعني لكم الخيار



ووصلنا العبّاره اللي بتاخذنا لبورصه مرورا بـ يالوا

ومنها الى التيلفريك الذي يتكون من مرحلتين لتصل الى الفنادق العلويه ان كنت تريد الاقامه في جبل اولوداغ لتمارس رياضة التزلج

والان اخليكم مع بعض الصور في جبل اولوداغ والثلج 

هنا بورصه عالخريطه

هني لحظة الوصول للمرحلة الاولى للتلفريك تقدرون تقعدون شوي تريحون اذا حابين تتغدون او تاخذون لكم شوية مرطبات على قولتهم بعدين تكملون المرحلة الثانيه

وتقدرون تأجرون بانشيات طقطاقيات دبابات اللي هو 

ونوصل للمرحله الثانيه واللي فيها الفنادق في جبل اولوداغ 

وهذا للصغار يستانسون فيه بس مايمنع ان الكبير يركبه شوي ويستانس عادي ترا ... بس ياحبذا ماينسى نفسه ويتكرفس من فوق الجبل ترا مايوقفك أحد

وهكذا ايها الاعزاء هذي كانت الرحله السريعه لبورصه في الثلج والحين نكمل في اليوم التالي بعد ماتردون الفندق تريحون إلى كارتيبي ومعشوقيه وسبانجا