معرض الكتاب الـ 35

29-10-2010

السلام عليكم ورحمة الله وبركاته

أقيم في الفتره من 13/10 الى 23/10/2010 معرض الكتاب الـ 35  على أرض المعارض الدوليه في مشرف , حيث شاركت 23 دوله في المعرض منها 14 دوله عربيه و9 دول أجنبيه

وكان اجمالي دور النشر المشاركه 501 دار نشر منها 409 دار نشر عربيه و 92 دار نشر أجنبيه

وإجمالي عناوين الكتب المسجله بالمعرض تقريبا 12128 كان لمصر النصيب الاكبر في عدد الكتب المشاركه حيث بلغت 4270 كتاب

بعدها لبنان بـ 3324  كتاب ومن خلفهم سوريا بـ 960 كتاب

هذي كانت بعض الاحصائيات الموجوده من معرض الكتاب هذه السنه والحين تعالوا نشوف بعض المقتطفات  من بعض اجنحة المعرض

الجناح الخاص لدار الصحوه .. محمد النشمي , خالد النصرالله وهيا الكندري



مريم وهرطقات خالد النصر الله



يوم تبلى السرائر لساره الدريس

تصفيف الكتب على الطاولات



شاليه عايشه وسكرات منى العنزي

لقاء تلفزيوني مع حمد الزمامي الذي يتحدث عن كتابه تراتيل





خالد النصر الله  ... الكبر شين يابو وليد



احمد العوضي ومذكرات عاشق كويتي



بعض الاعلاميين في المعرض ... وين تطالعون ؟؟ شدعوه عطوني ويه



بن سالم وبو غنيمه



تصوير في تصوير



المذيعه عبير الوزان



عبدالوهاب العيسى والشيخ دعيج الخليفه



اهم شي السيف اللي ماسكه يا بو غنيمه وتقطيع لكيكة كتاب هذه آخرتك لفيصل الجاسم



فيصل الجاسم والشيخ دعيج الخليفه



ساره الدريس



عبير الوزان

من خلال زيارتي للمعرض شاهدت وكالعاده كتب كثيره للاكل والطبخ ... ليش ياجماعه خففوا ترى خفة الجسم زينه مو ناقصين عيالنا متن



الحين نتخلص من السكر والا نسوي وجبات سريعه وتورتات وجاتوهات ومشويات ؟

طريقة كتابة بريل للمكفوفين

زحمه طفيفه

 

اين هم ؟؟ روايه تستحق القراءه

القراءه للجميع .. ها يابو عبدالله ؟ فقدناك هالسنه ان شاءالله السنه القادمه باذن الله

 

مانخلص من مشاكل هالخدم .. مشاكلهم عويصه يبيلها مؤتمر سنوي لمناقشة مشاكل الخدم

ايـــــه الله يرحمج يا جدتي توفت ولا عمرها قالت لي قصه وحده ... شدعوه لحقت عليها عاد .. الله يرحم جميع اموات المسلمين ويطول باعمار الوجودين يارب

اهم راس المال هالكبار

انت للحين عايش يابن كروزو ؟؟ جنه شكله تغير عن قبل ... انزين بنتك وينها فلونه مو موجوده بالقصه !!

ودي اعرف منو مؤلف مسلسل فلونه روبنسون كروزو احسها اكشن اكثر من الروايه

لازم ياجحا ماتفارق حمارك عزكم الله ... ماهو سر الحمار مع جحا ؟؟

بعض الروايات العالميه

نايف البشايره واصدارات بلاتينيوم

توقيع على روايه

على هالاعلانات جنك قاعد تشر ملابس الله يهديك ... ماكو طريقه ثانيه للاعلان يعني ؟؟

كتب الاطفال من اكثر الكتب مبيعا في المعرض حيث بلغت تقريبا 1678 كتاب ... عاد ياليت نشوف عيالنا يشترون كتب لما يودونهم رحلات المدارس تلاقيهم اغلبهم فراره عالفاضي

استفيدوا استفيدوا ترى العلم مايكيل بشسمه اقتنموا الفرصه ياعيال

ومن عقب هالفراره مالك الا البااااااارد يبرد على جبدك وانشوفكم ان شاءالله في تغطيات ثانيه

شكرا مع السلامه

لمشاهدة معرض الكتاب الـ 33

العوده للصفحه الرئيسيه