السلام عليكم ورحمة الله وبركاته

برشلونه ... عاصمة كاتالونيا الاسبانيه مدينه جميله لكن بوجهة نظري لاتمت للهدوء بصله icon_lol.gif

خصوصا شارع الرامبلا ويعتبر من اهم شوارع برشلونه ازعاجا ويشتمل على العديد من المطاعم والكافيهات والمحلات والفنادق لكن نصيحتي اللي  يبي الهدوء وقت النوم لايسكن في هالشارع خل يوخر شوي عنه لانه فعلا مزعج حتى غيره لكن اقل منه هدوء

انا عن نفسي سكنت في فندق ولكم ان تشاهدوا الفندق وعلى ماذا يحتوي من خلال الضغط على اسم الفندق وهو يبعد عن شارع الرامبلا تقريبا 600 متر بس يعني شدوا حيلكم شوي وتمشوا

Hotel Barcelona Universal

بعض المميزات للفندق من ناحية الاكل ... يوجد حوالين الفندق بعض المحلات الحلال منها مطعم هندي حلال يقع خلف الفندق مباشره ... ماوصيكم في برياني الربيان اضمن شي icon_lol.gif

فيه بقاله يم المطعم الهندي حق الماي والعصير والسوالف اللي بسرعه بسرعه يوجد ايضا محل تلفونات لاصق بالفندق للي يبي ياخذ خط اسباني

يتمتع الفندق بخدمة الواي فاي في جميع انحاء الفندق

انا بتكلم عن تجربتي في برشلونه يمكن غيري يشوف غير هالشي .. انا قعدت فيها ليلتين فقط واعتقد انها ماتستحق اكثر من هالشي قسموها على النحو التالي:

الليله الاولى خلوها تمشي في الرامبلا وكمل مشيك لين توصل للميناء وفيه مجمع ماري ماغنم تتسوقون فيه وبعدين ردوا للرامبلا كملوا ليلتكم الاولى فيه

ثاني يوم اخذوا التور اللي في الباص حق يوم كامل بسعر 24 يورو وممكن تاخذون التذكره ارخص من الفندق وقزروا هاليوم كله في التور هذا انا خذيته من الظهر ورجعت المغرب ونزلت في محطتين اتمشى واهم ملعب الكامب نو وهذا اهم معلم لازم تروحون له biggrin.gif

والنقطه الثانيه اللي نزلت فيها صوب الكنيسه مالتهم الكبيره لانها قريبه من فندقنا نوعا ما وراح احطلكم خريطه شامله للتور مال الباص ..على الرابط التالي

ضغطوا هني لمشاهدة خريطة رحلة الباص

حجم الخريطه كبير نوعا ما تقدرون تطبعونه للاستفاده منه

هذي نبذه بسيطه عن برشلونه والحين نشوف صور الرحله اللي استغرقت ليلتين

barcelona2012_01.JPG

باصات التور بكثره

barcelona2012_02.JPG

احدى ساحات شارع الرامبلا

barcelona2012_03.JPG

جانب من الميناء الملاصق لمجمع ماري ماغنم

barcelona2012_04.JPG

الطريق الى مجمع ماري ماغنم

barcelona2012_06.JPG

 

barcelona2012_05.JPG

وهالطيب لقيناه بطريقنا يستعرض في البحر icon_lol.gif

barcelona2012_07.JPG

ولازال يستعرض

barcelona2012_08.jpg

جانب من الميناء

barcelona2012_09.JPG

 

barcelona2012_10.JPG

مجمع ماري ماغنم

barcelona2012_11.JPG

 

barcelona2012_12.JPG

وهالطيبين يبيعون بره المجمع ومزهبين البقشه للنحشه اذا كبسوا عليهم icon_lol.gif

ماعليهم الا يسحبون الحبال اللي مربوطين في البقشه وانحشششششش

barcelona2012_13.JPG

على جسر اللوزيي

barcelona2012_14.JPG

بو كشه كشته عجيبه ... بس والله جد عندي سؤال شلون ينام وتخترب وترد جذي مره ثانيه ؟؟

ونرجع للرامبلا

barcelona2012_15.JPG

وتلاقون من هالنوعيه شكثرهم على طول الرامبلا

barcelona2012_16.JPG

منظر عام لشارع الرامبلا

وثاني يوم مثل ما اقترحت اخذوا التور في الباص وتجولوا على راحتكم بلا تكاسي ولا تاجير سيارات

barcelona2012_17.jpg

 

barcelona2012_19.jpg

ناطرينهم يركبون

barcelona2012_21.jpg

العالم كلهم يقعدون فوق يبون الجو الحلو

barcelona2012_18.jpg

تيليفريك برشلونه يمر فوق الميناء

barcelona2012_20.jpg

تك تك برشلونه

barcelona2012_23.jpg

ونعبر وديان وانفاق وسهول وجبال

barcelona2012_22.jpg

 

barcelona2012_25.jpg

 

barcelona2012_26.jpg

 

barcelona2012_27.jpg

عند الاشاره تكون الساعه الواحده ظهرا و تسعة عشر دقيقه ومادري جم ثانيه

ونوصل الى ملعب الكامب نو ... وهو ملعب نادي برشلونه العريق

barcelona2012_28.jpg

هذا صغيرون عند الباب حاطينه تهويش لكم المحل الكبير يكون آخر شي لما تخلصون الجوله في الملعب راح تلاقون الستور الكبير فلاتخذون من هذا شي عشان لايضايقكم في الشيل والحط اشتروا من اللي بالملعب

barcelona2012_31.jpg

يا لروعتك ايها الكامب نو

barcelona2012_29.jpg

 

barcelona2012_30.jpg

بعدين ننزل بالسراديب وتحت المدرجات نستكشف

barcelona2012_32.jpg

غرفة اللاعبين

barcelona2012_33.jpg

 

barcelona2012_34.jpg

هني الممر قبل الدخول للملعب مباشرة

barcelona2012_35.jpg

وننزل للمتحف اللي تحت

barcelona2012_36.jpg

شاشات سينمائيه تعرض اهم واجمل البطولات والاهداف على مر الزمن

barcelona2012_37.jpg

وهني نشيد النادي

barcelona2012_38.jpg

وهذا كاس اندية ابطال العالم واللي كان لي شرف حضور هالبطوله وتغطيتها كامله في ابوظبي سنة 2009 واللي فاز فيها برشلونه

هنا تفاصيل تغطيتي للبطوله كامله

بعدين ننزل للستور واللي بصراحه من كثر مافيه يخليك تنسى شنو تصور ما تصور

barcelona2012_39.jpg

بعدين نطلع ونركب الباص ونكمل جولتنا

barcelona2012_40.jpg

 

barcelona2012_41.jpg

 

barcelona2012_42.jpg

 

barcelona2012_43.jpg

 

barcelona2012_44.jpg

 

barcelona2012_45.jpg

ونوصل وننزل شوي عند الكنيسه

barcelona2012_46.jpg

 

barcelona2012_47.jpg

وبعد هالجوله لكم الخيار في تكملة المشوار في الرامبلا وان تتعشون هناك لتكملة باقي الليله لان المحطه الاخيره راح تردكم لنفس المكان عند الرامبلا او ترجعون الفندق وتتعشون من المطعم الهندي وتنقتلون عشان تنامون بكير وتصحون بكير لأن في اليوم التالي رحلتنا للعوده الى الوطن

barcelona2012_48.JPG

طيران القطريه ينتظرنا للعوده للوطن

barcelona2012_49.JPG

والحمدلله على سلامتنا وصلنا الكويت بالسلامه

واشوفكم ان شاءالله في فعاليات ورحلات اخرى باذن الله تعالى

Count.cgi?df=HaMaDeN &ft=6&tr=N&dd=B&md=8