الاكوابارك … او بالأحرى المدينة المائيه

أول شي يعطيهم العافيه القائمين على هالمدينه المائيه لما يبذلونه من جهد طوال فترة الصيف في هالحر والشمس عليهم الله يعطيهم العافيه

شي حلو لما نشوف مدينه مائيه الواحد يقدر يتمردغ فيها بالماي ويخفف من لهيب الصيف الحار 

خصوصا انه ديرتنا ولله الحمد تتمتع بجو مو حار الا يصلخ صلخ مو طبيعي الحمدالله

فتلاقون الاوادم مالهم الا البحر بالصيف يمارسون هواياتهم ويطبشون مني ومناك يخففون حرورة الشمس ويونسون عيالهم

فمره من المرارير رحنا للأكوابارك وشفناها عن كثب فتعالوا انتوا بعد وشوفوها عن كثب عشان تروحون لها وتستمتعون فيها

بداية الدخول للاكوابارك … على فكره ترى رخيصه تذكرتها لاتتوقعون انها بالشي الخيالي بالعكس جدا رخيصه

لا وفي بعد خصصوا يوم حق السيدات ويوم الجمعه للعوايل يعني شغل عدل الصراحه عشان كل واحد ياخذ راحته بالوقت اللي يناسبه

ممرات واشجار واماكن استراحه للاستمتاع بالماي اللييطشر عليك يمين ويسار

النهر الكسلان مافيه اي خطوره كلش تقعد فيه واهو يفتر فيك

وهذي وحده من الزحلاقيات وناسه حق التطشر ترى 

يامعود مو جذي ينزلون على ظهورهم بالويه ينزلون بالويه يالطيب

ذره مشويه

الحين نشوف بعض الحيوانات الموجوده في الاكوابارك بس ماعليكم اليفه ماتخرع ترى

هذا مو هدد لأ حاطينه بقفص تعالوا وتطمشوا عليه ترى ونيس

حيه اتعفط عالرايح والراد 

وهذا المسكين يعني على بو انه بيصور مع الحيه ومتصرع قاعد يرجف المسيجين

انزين محد طقك على ايدك وقالك تعال صور .. خلك قوي ولاتخاف ياصبي 

وهذي لعبة الرمايه بالصبغ هههههههههه فريقين يتبارون وكل واحد معاه مسدس على صبغ وارمي لاترمي

عدل يالميتسوبيشي

استراحه جانبيه فيها مظلات بجانب ملعب كرة القدم

لقطه جانبيه تبين احدى الالعاب المائيه والمسرح

الاستراحه المائيه .. هذي تقدر وانت بوسط الماي تروح تشرب من هالبيبسي والعصاير وتطلب على كيف كيفك من غير ماتطلع من الحوض 

الحين خنشوف شويه من المنزلقات والزحلاقيات المائيه

بسم الله هذا من وين طلع … طلقه ماشاءالله عليه 

يا واثق من نفسك جدا … تعبت انا من هالثقه

هههه يامعود في احد ينزل بنعوله بالزحلاقيه ؟؟

أجري أجري أجري وصلني اوام وصلني وصلني اوام وصلنـــــي

تعالوا نشوف سباق السيارات 

عان ديد ديد … يالله رووووح صدق نفسك انه سباق فورميلا

هوب هوووووب عوووووووووووووع طش

دش بالرصيف بس الحمدالله مافيه الا العافيه داير مداره تواير يعني مايتعور ان شاءالله يدعم هني ولايركب سياره صجيه ويدعم فيها ويكون غشيم ترى فرصه تعلمون عيالكم على السواقه قبل لايطلعون رخص قياده 

العوده للصفحه الرئيسيه

وهذا بس اقعد تحته وخله يطشر عليك ماي