��لسلام عليكم ورحمة الله وبركاته

استكمالا لاحتفالات الكويت بالاعياد الوطنيه ومرور 3 سنوات على تولي حضرة صاحب السمو أمير البلاد مقاليد الحكم اقامت محافظة العاصمه في يوم الخميس الموافق 19/2/2009

مسيرة بالقرب من شاطئ الشويخ شارك بها العديد من الوزارات والهيئات والمدارس واخليكم الحين مع بعض الصور

يازين فتياتنا الصغار عسى الله يخليهم ويحفظهم قولوا امين

وهذي مشاركه من أشبال مدرسة عبداللطيف الديين

وهم بعد يازين فتيانا رجال المستقبل عسى الله يخليهم ان شاءالله

صور صور خذ راحتك ... يازينها من احتفالات

أحد خيالة وزارة الداخليه المشاركين

بسم الله وهذا من وين طلع ؟؟

عفيه جسم ماشاءالله ... لو اللي في بالي جان صكّه شد عضلي في كل انحاء جسمه اتوقع حتى شعره يحوشه شد عضلي

يخرب بيتكم على هالقاز اللي تشربونه انا مالي شغل بالسالفه وبغيت انسطل من ريحة القاز انتوا شلون متحملين اعنبوا دار بليسكم

تلاقون معدتهم وحلوجهم ياااااااااااااااااااااو يالريحه مميته

وبدك تجي حارتنا ياعيوني ... راكب مرسيدس حمره هالله هالله

عينك على جارتنا ياعيوني ... والا عينك علينا دخيل الله

والحين اخليكم مع عرض لبعض السيارات القديمه المشاركه بالمسيره

عدل عدل يالبويك ... ذكرتوني بالشقيق مع سيارته البويك ايه يالشقيق وين ايامك

الترانز ام وربعها

ياعيني على ربع الجياتي هذي سلمكم الله يسمونها ام اذون بس هذي اربع ابواب صديقتها اللي وراها بابين

ونكمل المشوار

وهالشياطين اشتغلوا على هالمسيجين ترشرش عليه من ورى خو خلوه اشتبون فيه مسكين بروحه منقمت من هاللي لابسه ومناشبينه بعد

عاشوا المطافي ماعليه شباب ... عادي عادي شوية فوم من جم طفل شي عادي جدا فرحه ووناسه الله يعطيكم العافيه ياشباب

وخيالة وزارة الداخليه حاضرين الله يعطيهم الصحه والعافيه

ماعطشتوا ؟؟ ماتبون ماي ؟؟ حياكم الروضتين عند ويهكم

بعض الصناعات القديمه الموجوده في مكان الاحتفال

صناعة الفخار

والحين مع حبيب الاحتفالات الله يحفظه ... واللي شفناه في يوم الافتتاح وفي كرنفال سوق شرق والحين نشوفه في شاطئ الشويخ عسى الله يخليه لأهله بس هالمره غير بتشوفونه في حلـّه جديده

هذا اهو صار نقيب وان شاءالله يصير عميد بعد

ماشاءالله عليه في كل احتفال متواجد ربي يخليه لأهله ويحفظه

هذي كانت تغطيتنا البسيطه لاحتفال شاطئ الشويخ اشوفكم ان شاءالله في احتفالات اخرى ان شاءالله