21/3/2010

افتتح يوم 16/3/2010 معرض كويتي وافتخر P2BK في أرض المعارض بمشرف صاله رقم 8 تحت رعاية سمو رئيس مجلس الوزراء الشيخ ناصر المحمد الاحمد الجابر الصباح ويستمر المعرض لغاية يوم الجمعه 19/3/2010 وهو معرض بايادي كويتيه يعرضون صناعاتهم ومنتجاتهم فلايطوفكم المعرض خوش شي الصراحه ويعطيهم العافيه القائمين على هالمعرض الجميل اللي كل سنه ماشاءالله يكون احلى واحلى

 

سمو رئيس مجلس الوزراء يفتتح المعرض

سمو رئيس مجلس الوزراء يتفقد المعرض

بعض المشاركين

الاعلاميه ايمان نجم ومشاركتها بالمعرض

 

يبيله والله

صناعات يدويه

 

 

مشاركة المركز العلمي بالمعرض

رئيس مجلس ادارة المركز العلمي العضو المنتدب المهندس مجبل المطوع

واحد القنافذ محمولا باليد

واكمل معكم بقية التغطيه لغاية اليوم الختامي

ماشاءالله تغطية اعلاميه مميزه ... عاشوا الزملاء يعطيكم العافيه

ياعمري يالقنفذ ابيه

شتأشر عليه

لعبة مونوبولي بس بالكويتي

ممممممممممممممممم  قاعد اكتب الموضوع وطاقني اليوع ترا

يا الله بسكم عوار قلب قلنا يوعان

 

خوش شي حق التقديم والسوالف الطيبه وللتواصل معاهم بحطلكم كرتهم

 

شسالفتك انت اشعندك تحوس ياصبي خاطرك تركب الجيتي يعني ؟

لاحق يايبا لاحق على هالسوالف

شنو بتبدل سفايف ؟؟ شفيك فصلت عالتاير

لا مستعيل اسم الله عليك على رابطة السيارات يالله عاد الحين البشاره افتحوا الرابطه يالله ياشباب همتكم فيها عشان تخففون تقحص بالشوارع

دائما الاصفر في المقدمه سواءا البرازيل او القادسيه

بيـــــه هذي مو جنها بومبو ؟؟

والله مادري شنو انتوا بس عجبتوني الصراحه

 

مركز تعليم التزحلق على البحر

عملات القطب الجنوبي يحليلهم اهم عندهم شي عشان يحطون لهم عملات ؟؟

الله اكبر ... يعني تشيل لك نوطين من هالعمله تصير ملياردير عمله قيمتها 500 مليون يا الله خوش شي الصراحه

اترس بوكك من هالانواط وتمشى بالشارع ابد فلوس فلوس تمشي وتخر ملايين ماشاءالله

خوش ناريل والله كان طيب

 

ها من وين يبت هالكره يالطيب ؟؟ يالله زهب عمرك القادسيه يبونك وياويلك اذا رحت غير القادسيه بتنطق طق

تعال مني وين رايح يايبا هالصوب اللعب مالنا خلق تكسر جام الثلاجه وتدفعنا فلوس يالحبيب

كره موقعه كل من يوقع عليها

الورد جميل .. جميل الورد

تغليف هدايا ...  وهذا قروبهم بالفيس بوك للي حاب يتواصل معاهم

http://www.facebook.com/#!/group.php?gid=56382732986&ref=ts

ها شلون الكاكاو مالهم ؟؟ يالله بالعافيه على قلبك هذا سلمكم الله صديقي بالمعرض كل ما اروح مكان كان معاي عسى الله يخليه ويحفظه قولوا امين

 

عاش جاو جاو كان حاضر المعرض

عجيبين هالطناطل مسوين جو

 

 

عريفة الحفلات في الملتقى المذيعه حنان جابر

عبدالعزيز الاسود عريف الحفلات في الملتقى

احد العروض والحفلات في الملتقى

عرض ثاني

زحمة المعرض ماشاءالله

خووووووووش قهوه ... ماتبون ؟؟ كيفكم

حرف يدويه مشاركه بالمعرض

 

والله تستاهلون كل خير انتوا الخير والبركه ... هذا سلمكم الله عنده مجلات وصحف قديمه حيل

ومكانه بيوم الب��ار اذا بغيتوه

يالله يبا جنه قفّال ... شيلوا قشكم جزاكم الله خير

وتم هجرالبوثات من الرواد وظلت البضاعه معروضه انتظارا لأي عامل ليشيلها

وظل ليت هذه السيارة شابا داخل المعرض من دون اصحابه من غير شر

وابتدأ الحفل الختامي للملتقى

حضور الشيخ أحمد الفهد

كلمة الشيخ احمد الفهد في الحفل الختامي

نبيل شعيل

بشار الشطي

مرفوع دايم ان شاءالله

 

 

 

تكريم المشاركين في الحفل الختامي

الفنان نبيل شعيل

الفنان بشار الشطي

المخرج محمد الحملي

عريفة الحفل الختامي المذيعه حصه الملا

تكريم احد الفائزين

ضاري الوزان صاحب فكرة مشروع كويتي وافتخر ووالده يكرمان الشيخ احمد الفهد

القائمين على ملتقى كويتي وافتخر 2010 في لقطة تذكاريه مع الشيخ احمد الفهد في نهاية الملتقى

يعطيكم العافيه ومشكورين على الايام الحلوه اللي عشتوها وعيشتوا غيركم من المشاركين والزوار في المعرض

ولكن تظل شمعة الملتقى لاتنطفئ تنير لكم دروبكم على أمل اللقاء بكم في السنه القادمه بأذن الله تعالى

والسلام عليكم ورحمة الله

فمان الله

العوده للصفحه الرئيسيه